फुलंब्री (औरंगाबाद) : तालुक्यातील कान्होरी येथे दोन दिवसापूर्वी रामेश्वर फकिरराव म्हस्के या तरुण शेतकऱ्याचा विजेचा शॉक लागून मृत्यू झाल्याची घटना घडली होती. त्याच पार्श्वभूमीवर प्रहार संघटनेचे युवा तालुकाध्यक्ष मंगेश साबळे व मयत रामेश्वर म्हस्के याचा भाऊ भाऊसाहेब म्हस्के यांनी चक्क गावातील पाण्याच्या टाकीवर जाऊन शोले स्टाईलने आंदोलन नुकतेच केले आहे.
सदरील आंदोलक हे पाण्याच्या टाकीवर गेल्यानंतर जोरजोरात घोषणा देऊ लागल्याने परिसरातील नागरिकांच्या ही बाब लक्षात आली. त्यानंतर गावातील काही नागरिकांना सदरील आंदोलनाची माहिती फुलंब्री पोलीस ठाण्यात दिल्यानंतर पोलिसांनी घटनास्थळी धाव घेतली आहे.
या आंदोलन प्रहार कार्यकर्त्यांच्या प्रमुख तीन मागण्या आहे. यात शॉक लागून मयत झालेल्या रामेश्वर म्हस्के यांच्या वारसाला दहा लाखाची तात्काळ मदत करा, विद्युत वितरण कंपनीचा संबंधित कर्मचारी तात्काळ निलंबित करा, आणि शेतकऱ्यांना दिवसा विद्युत वीज द्यावी या मागण्यासाठी आंदोलन सुरू केलेले आहे. या आंदोलनात प्रहार संघटनेचा युवा तालुकाध्यक्ष मंगेश साबळे, मयताचा भाऊ भाऊसाहेब म्हस्के यांचा समावेश आहे.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.