औरंगाबाद: शेजाऱ्यांच्या मानसिक त्रासाला कंटाळून म्हाडा कॉलनीतील ५४ वर्षीय वृद्धेने फॅनला ओढणी अडकवून गळफास लावून आत्हमत्या केल्याप्रकरणी पोलिसांनी सहा जणांना बेड्या ठोकल्या.

हेही वाचा- आमदार कुचे यांच्यासह भाऊ, युवतीविरोधात गुन्हा दाखल, युवतीकरवी भाच्यालाच पाठविले अश्लिल संदेश

प्रदिप भाउराव रोंगे (४८), गौरव प्रदिप रोंगे (२०), लक्ष्मण मल्हारी पगारे (७३, सर्व रा. बाबा पेट्रोलपंप, म्हाडा कॉलनी), दयानंद हरीभाउ आराख (५३), शुभम दायानंद आराख (२४) व मयुर दयानंद आराख (१९, सर्व रा.एन ४, परिजातनगर) अशी त्या आरोपींची नावे आहेत.

उषा विजय गायकवाड (५४, रा. म्हाडा कॉलनी, बाबा पेट्रोल पंप परिसर) असे मृत महिलेचे नाव आहे. प्रकरणात मृत उषा गायकवाड यांचे पती विजयकुमार गायकवाड यांनी तक्रार दिली. तक्रारीनुसार, गायकवाड हे जालना येथील रेशीम उद्योग महामंडळातून सेवानिवृत्त झाले असुन सध्या ते औरंगाबादेतील जिल्हा रेशीम कार्यालयात कंत्राटदारामार्फत कार्यरत आहेत. ६ जुलैरोजी उषाबाई यांनी गळफास घेतला. त्यांना बेशुद्धाअवस्थेत घाटीत नेण्यात आले. मात्र, डॉक्टरांनी त्यांना मृत घोषित केले. प्रकरणात क्रांती चौक पोलिसात गुन्हा दाखल करण्यात आला. 

हेही वाचा- कोरोनाचे सर्वच रेकॉर्ड जपून ठेवा, खंडपीठ करणार पाहणी  

चिठ्ठीने लावला तपास 
पोलिसांनी गायकवाड यांच्या घराची झडती घेतली असता घरात उषा यांनी आत्महत्येबाबत लिहलेल्या मजकुराची डायरी पोलिसांच्या हाती लागली. त्यात शेजारी राहणारे प्रदिप उर्फ बालाजी रोंगे, त्याची पत्नी, गौरव रोंगे, भुजंग याची पत्नी, सौरभ भोळे, लक्ष्मण पगारे, दयानंद आरख, त्याची पत्नी, मयुर व शुभम आरख अशा दहा जणांनी आमचे कुटूंब येथे राहू नये यासाठी गायकवाड कुटूंबाला शिवीगाळ करुन धमक्या देत होते. या त्रासाला कंटाळुन आत्महत्या करत असल्याचे चिठ्ठीत नमुद करण्यात आल्याचे तक्रारीत म्हटले आहे. 

पोलिस कोठडीत रवानगी 
दरम्यान पोलिसांनी तपास करुन वरील सहा आरोपींना अटक करुन न्यायालयात हजर केले आरोपींना गुरुवारपर्यंत (ता.९) पोलिस कोठडीत ठेवण्याचे आदेश प्रथम वर्ग न्यायदंडाधिकारी डी.एस. वमने यांनी दिले. सहाय्यक सरकारी वकील एन. ए. ताडेवार यांनी आरोपींना पोलिस कोठडी देण्याची विनंती केली. 

क्लिक करा- ...अन्यथा विभागीय कृषी सहसंचालकांना अटक करुन उच्च न्यायालय खंडपीठात हजर करा