औरंगाबाद : राज्य सरकारच्या निर्देशानुसार शहरात(Aurangabad city) कोरानापासून बचावासाठी १५ ते १८ वयोगटातील मुलांना कोरोनाचा डोस(children Corona dose) देण्यास सुरवात केली आहे. सोबतच आता ओमिक्रॉन आणि कोरोनाचे(Corona and Omicron) वाढते रुग्ण लक्षात घेता ६० वर्षांपुढील ज्येष्ठ नागरिकांना तिसरा बूस्टर डोस सोमवारी (ता. १०) देण्यात येणार आहे.

शासनाच्या मार्गदर्शक सूचनांनुसार ६० वर्षांवरील नारिकांसाठी बूस्टर डोसचीही तयारी महापालिकेतर्फे केली जात आहे. मधुमेही, रक्तदाब व इतर व्याधी असलेल्या ज्येष्ठ नागरीकांना कोरोनाचा तिसरा बूस्टर डोस प्राधान्याने दिला जाणार आहे. यासह फ्रंट लाईन वर्कर, आरोग्य कर्मचाऱ्यांनाही बूस्टर दिला जाणार आहे. यापूर्वी ज्या कंपनीचा पहिला आणि दुसरा डोस घेतला, त्याच कंपनीचा तिसरा बूस्टर डोस दिला जाणार आहे.

दुसरा डोस घेतलेल्या तारखेपासून नऊ महिने ३९ आठवडे ज्या व्यक्तींना पूर्ण झाले आहेत. तेच ज्येष्ठ नागरिक बूस्टर डोस घेण्यासाठी पात्र असतील, असे महापालिकेच्या आरोग्य विभागाने सांगितले आहे. सकाळी दहा ते दुपारी पाचपर्यंत लसीकरण उपलब्ध राहील. लसीकरणाबाबत काही शंका असल्यास कोरोना हेल्पलाइन ८९५६३०६००७ वर संपर्क करावा, असे आवाहन डॉ. पारस मंडलेचा यांनी केले आहे.