औरंगाबाद: एचडीएफसी बँकेच्या कोकणवाडी शाखेला दीड कोटीचा गंडा घातल्या प्रकरणी पोलिसांनी नव्याने दोन संशयित आरोपींना मंगळवारी (ता.२८) सायंकाळी अटक केली. तडवी फरीद खान मोहम्मद अब्दुल हामेद (४०, रा. मदनी कॉलनी) व अखिलेश अशोक पाटील (२८, रा. तारांगण सोसायटी, पडेगाव) अशी त्या आरोपींची नावे आहेत.
प्रकरणात एचडीएफसी बँकेचे उपाध्यक्ष फ्रान्सिस आयवन क्रियाडो यांनी तक्रार दिली होती. तक्रारीनुसार, दुकान परवाना, आयकर विवरण पत्र, बँक खाते उतारे आदी बनावट कागदपत्रांच्या आधारे व्यावसायिक कर्ज घेऊन आरोपींनी बँकेच्या कोकणवाडी शाखेची एक कोटी ४७ लाख २० हजार रुपयांची फसवणूक केली. प्रकरणात वेदांतनगर पोलिस ठाण्यात गुन्हा दाखल करण्यात आला.
प्रकरणात अटक करण्यात आलेला आरोपी फरीद खान हा एचडीसएफसी बॅंकेच्या लोन विभागात रिस्क मॅनेजर म्हणून नोकरीला होता. फरदीनची ओळख कलीम हलीम खान याने मुख्य आरोपी नईमोद्दीन नागोरीशी करुन दिली होती. फरदीन हा मॅनेजर असतांना त्याच्या कालावधीत १५ कर्जधारकांचे बनावट कागदपत्र दाखल करुन कर्ज मंजुर झाले आहे.
ते कागदपत्र तपासण्याची जबाबदारी फरीदची होती. फरदीनला कमीशन म्हणुन कर्जाच्या रक्कमेतुन सहा टक्के रक्कम देण्यात येत होती. तर १५ कर्ज धारकांपैकी दहा कर्ज धारकांकडुन आरोपी अखिलेश पाटील याने कर्जासाठी लागणारी कागदपत्रे घेवुन त्या कर्जाच्या फाईल्सवर स्वत:चा शिक्का मारुन त्या बॅंकेत सादर केल्या. सादर केलेल्या कर्ज फार्मसोबत बनावट कागदपत्र सादर केले आहे.
दोघांनाही पोलिस कोठडी
दरम्यान दोघा आरोपींना आज न्यायालयात हजर केले असता आरोपींना गुरुवारपर्यंत (ता.३०) पोलिस कोठडीत ठेवण्याचे आदेश प्रथम वर्ग न्यायदंडाधिकारी एस.एस. मांजरेकर यांनी बुधवारी (ता.२९) दिले. कलीम हलीम खान याला अटक करणे आहे. आरोपी फरीद याने सहा टक्के प्रमाणे किती रक्कम मिळविली याचा तपास करुन ती हस्तगत करणे आहे.
आरोपी अखीलेश पाटील याने दहा कर्जधारकांचे कर्ज प्रस्ताव सादर केले, त्यासाठी बनावट कागदपत्र व शिक्का कोठुन बनवला याचा तपास करणे असल्याने आरोपींना पोलिस कोठडी देण्याची विनंती सहाय्यक सरकारी वकील बालाजी गवळी यांनी न्यायालयाकडे केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.