औरंगाबाद : औरंगाबाद (Aurangabad) शहरात दिवसेंदिवस गुन्हेगारी घटना घडत आहेत. कश्यप गँगने रेणुकानगरमध्ये स्पर्धा परीक्षाची (Competitive Exams) तयारी करणाऱ्या तरुणावर फायटर आणि तलवारीने हल्ला केला. यात तरुण गंभीर जखमी झाला आहे. शुभम विनायक मनगटे (वय २४, रा.साईनगर) असे जखमी झालेल्या तरुणाचे नाव आहे. त्याला खासगी रुग्णालयात दाखल करण्यात आले असून त्याच्या डोक्याला जवळपास ७० टाके पडले आहेत. या प्रकरणी पाच आरोपींना पुंडलिकनगर पोलिसांनी अटक केली आहे. शनिवारी (ता.पाच) रात्री दहा वाजता औरंगाबाद येथे कश्यप गँगचे राजू पठाडे, यश पाखरे, शुभम मोरे, अतिश मोरे, शेख बादशाह शेख बाबा, निलेश धस, पिन्या खडके यांनी शुभम याला शिवीगाळ केली. (Youth Injured In Kashyap Gang Attacks In Aurangabad)

त्यानंतर फायटर व तलवारीने हल्ला केला. यात तो गंभीर जखमी झाला असून त्याची स्थिती नाजूक आहे.

कारण काय ?

आरोपींनी तरुण शुभमच्या किराणा दुकानातून तंबाखू, गुटखा मोफत देण्याच मागणी दहा दिवसांपूर्वी केली होती. त्यास नकार देताच त्यांनी बघून घेऊ अशी धमकी दिली होती.