बीड : येथील एका मेडिकल दुकानाचे शटर वाकवून चोरट्यांनी प्रवेश करत ५० ते ६० हजारांची रोख रक्कम लंपास केली. पहाटे घडलेला प्रकार शुक्रवारी (ता. चार) समोर आला. मात्र, चोरीपेक्षा चोरट्यांनी वापरलेल्या पीपीई किटची चर्चा जास्त रंगली आहे.
त्याचे झाले असे की, काळानुरुप हातसफाईची कला, अवजारांत बदल करण्याचे कसब तसे चोरट्यांत असतेच. पण, आता कोरोना विषाणू प्रादुर्भावाचा काळ आहे. कोरोनाचा प्रादुर्भाव रोखण्यासाठी सामान्य मास्क वापरत आहेत. तर, कोरोनाग्रस्तांवर उपचार करणाऱ्या डॉक्टरांसह इतर कर्मचाऱ्यांना पीपीई किट आवश्यक आहे. पण, या मेडिकल दुकानात चोरी करणाऱ्या दोन चोरट्यांनीही चक्क पीपीई किट घालून एंट्री केली. दुकानातील कुठल्या विषाणूचा प्रादुर्भाव रोखण्यासाठी नाही.
तर जर हा प्रकार सीसीटीव्हीत कैद झाला. तर चेहरे आपला चेहरा दिसू नयेत यासाठी चोरट्यांनी पीपीई किटची नामी शक्कल लढविली आहे. बाजूच्याच एका दुकानातून टॅमी आणून मेडिकल दुकानाचे दोन फुट शटर उचकले. आणि आत प्रवेश केला. त्यानंतर गल्ल्यातील रक्कम घेऊन पोबारा केला. शहरातील साठे चौकात असलेल्या दिपक आहुजा यांच्या आहुजा मेडिकल दुकानात हा चोरीचा प्रकार घडला. याबाबत त्यांनी शहर पोलिसांत तशी तक्रार दिली आहे. गुन्हा नोंद करण्याची प्रक्रीया सुरु आहे.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.