धक्कादायक..! अंबाजोगाईत टिप्परच्या धडकेने दुचाकीवरील तीन जण ठार
अंबाजोगाई (बीड) : तालुक्यातील काळवटी तांड्याजवळ शनिवारी (ता.८) रात्री टिप्पर व दुचाकीच्या अपघातात दुचाकीवरील तिघेही जागीच ठार झाले. या घटनेचा येथील ग्रामीण पोलिस ठाण्यात गुन्हा दाखल झाला आहे. संबंधित टिप्परच्या चालकाला अटक केल्याचे पोलिस निरीक्षक महादेव राऊत यांनी सांगितले.
घटनेची माहिती अशी, की शनिवारी रात्री वाळुचा टिप्पर (क्र. एम. एच. २५ यु २४४४) हा परळीहून अंबाजोगाईकडे येत होता. यावेळी वानटाकळी (ता.परळी) येथील तिघेजण दुचाकीवर ( क्र. एम. एच. १३, बी. डी. ५६८४) आपल्या गावाकडे जात होते. यावेळी समोरून आलेल्या टिप्परने या दुचाकीला जोराची धडक दिली. त्यात नागनाथ महादेव गायके (वय ३५), वसंत जनार्दन गायके (वय ४५), विठ्ठल मुंजाजी गायके (वय २३) हे तिघे जागीच ठार झाले.
घटनेची माहिती कळताच अंबाजोगाई ग्रामीण पोलिस ठाण्याचे पोलिस निरीक्षक आपल्या सहका-यांसह घटनास्थळी पोचले. दरम्यान या घटनेतील चालकाला पोलिसांनी अटक केली असून गुन्हा दाखल केला आहे .
संपादन - प्रताप अवचार
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.