अंबाजोगाई (जि. बीड) - तालुक्यातील पाटोदा (ममदापूर) येथे रविवारी (ता. आठ) सायंकाळी सहाच्या सुमारास भावानेच आपल्या सख्ख्या भावाचा दगडाने ठेचून खून केल्याची घटना घडली. विलास मोहन यशवंत (वय 50) असे मृताचे नाव आहे. ही घटना दारूच्या नशेत झाल्याचे प्राथमिक कारण सांगण्यात येत असून येथील ग्रामीण पोलिसांनी घटनेचा पंचनामा करून आरोपीला ताब्यात घेतले आहे.
पोलिसांनी दिलेली माहिती अशी, की रविवारी सायंकाळी गावातच बंडू मोहन यशवंत व त्याचा भाऊ विलास मोहन यशवंत यांच्यात वाद झाला. या वादातून बंडूने त्याचा भाऊ विलासच्या डोक्यात दगड मारला. त्यात विलास जागेवरच ठार झाला.
घटनेची माहिती मिळताच ग्रामीण पोलिसांनी घटनास्थळी भेट देऊन आरोपीला ताब्यात घेतले. रात्री उशिरापर्यंत ग्रामीण पोलिस ठाण्यात घटनेचा गुन्हा दाखल करण्याची प्रक्रिया सुरू होती. हा खून नेमका कशामुळे झाला, याचे निश्चित कारण तपासात कळेल असे पोलिसांनी सांगितले.
दरम्यान, पोलिस उपअधीक्षक राहुल धस व पोलिस उपनिरीक्षक राऊत यांनी घटनास्थळी भेट देऊन माहिती घेतली. अचानक घडलेल्या या घटनेमुळे परिसरात एकच खळबळ उडाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.