बीड : येथील जिल्हा कारागृहाचे अधीक्षक संजय कांबळे यांचे बुधवारी (ता. चार) पहाटे कोरोनामुळे निधन झाले. त्यांच्यावर शहरातील एका खासगी रुग्णालयात उपचार सुरु होते. मुंबई बॉम्ब स्फोटातील प्रमुख आरोपी अजमल कसाब याला जिवंत पकडल्यानंतर त्याला तुरुंगात ठेवल्यानंतर फाशी होईपर्यंत त्याच्या सुरक्षेची जबाबदारी लिलया पेलणाऱ्या संजय कांबळेंची कोरोनाशी झुंज अपयशी ठरली.
कोरोना विषाणूचा फैलाव जिल्ह्यात सुरु झाल्यानंतर जिल्हा कारागृहातील काही कच्च्या कैद्यांना जामिनावर सोडून कैद्यांची संख्या कमी करण्यात आली होती. मात्र, सप्टेंबर महिन्यात कारागृहातील ५० हून अधिक कैद्यांना एकाच दिवशी कोरोनाची बाधा झाल्याचे समोर आले. अधून मधून हा आकडा कमी अधिक होई.
दरम्यान, संजय कांबळे यांनाही कोरोनाची बाधा झाली होती. त्यांच्यावर शहरातील एका खासगी रुग्णालयात उपचार सुरु होते. बुधवारी पहाटे त्यांचे निधन झाले.
चाळीशीतील अधिकारी असलेले संजय कांबळे मुंबईत नेमणूकीवर असताना मुंबई बॉम्ब स्फोटातील आरोपी अजमल कसाब याच्या सुरक्षेची जबाबदारी त्यांनी सांभाळली होती. बीडमध्ये कारागृहाच्या सुरक्षेसह त्यांनी विविध सामाजिक उपक्रमांत पुढाकार घेतला होता. त्यांच्या सुस्वभावामुळे जिल्ह्यात त्यांचा मित्रपरिवार मोठ्या संख्येने वाढला होता.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.