कार्तिकेश्वर तुरनर 
मराठवाडा

भालीपाला विक्रेत्याचा मुलगा बनला पोलिस उपनिरीक्षक 

संजय कापसे

कळमनुरी(जि. हिंगोली) : दहावीच्या परीक्षामध्ये आलेले अपयश दूर सारून अतिशय प्रतिकूल परिस्थितीत शिक्षण घेत जिद्द व कठोर परिश्रमाच्या बळावर कार्तिकेश्वर तुरनर या युवकाने स्पर्धा परीक्षेत यश मिळवित पोलिस अधिकारी होण्याचे स्वप्न साकारले आहे. सध्या नाशिक येथील केंद्रामध्ये प्रशिक्षण घेत आहे.

तालुक्यातील चारशे लोकसंख्या असलेल्या धारधांवडा या छोट्याशा गावातील गुणाजी तुरनर हे एक एकर शेतीमध्ये काम करून कुटुंबाचा उदरनिर्वाह चालवितात. याकामी त्यांची पत्नी लक्ष्मीबाई याही हातभार लावतात.

पोलिस अधिकारी होण्याचे स्वप्न

 शेतामधील भाजीपाला आखाडा बाळापूर येथे डोक्यावरून विक्री करीत दोन मुली व दोन मुलांना त्यांनी शिक्षण दिले. यामधील सर्वात लहान असलेल्या कार्तिकेश्वर याने पोलिस अधिकारी होण्याचे स्वप्न पाहत शैक्षणिक प्रवास सुरू केला. 

कंपनीत नोकरी करीत परीक्षेची तयारी 

दहावीच्या परीक्षेमध्ये अपयश आल्यानंतर त्याने जिद्द मनात ठेवून अभ्यास सुरू केला. आखाडा बाळापूर येथील नारायणराव वाघमारे महाविद्यालयातून बी. कॉम पदवी पूर्ण करून त्याने औरंगाबाद गाठले. औरंगाबाद येथे खासगी कंपनीत नोकरी करीत स्पर्धा परीक्षेची तयारी केली. याकरिता त्याने शहरात काही विषयांची शिकवणी लावली. 

पुस्तके वाचून काढली

स्पर्धा परीक्षेमधील सर्व बारकावे समजून घेत कार्तिकेश्वर याने चालू घडामोडी, मासिक वाचन, इतिहास, राज्यघटना, अर्थशास्त्र या विषयावरील विविध लेखकांची पुस्तके वाचून काढली. पोलिस उपनिरीक्षक पदाची जाहिरात निघाल्यानंतर मिळालेल्या कमी अवधीमध्ये त्याने जिद्द व परिश्रमाच्या बळावर १६ जुलै २०१७ रोजी मुख्य परीक्षा दिली.

खडतर परिश्रमाचे चीज झाले

 पाच नोव्हेंबर २०१८ ला ग्राउंड टेस्ट घेण्यात आली. यामध्येही कार्तिकीश्वरने जिद्दीच्या बळावर यश मिळविले. आठ मार्च २०१९ रोजी स्पर्धा परीक्षेचा निकाल जाहीर झाला. यामध्ये कार्तिकेश्वर महाराष्ट्रातून ४५ वा आला. मागील तीन वर्षांपासून घेतलेल्या खडतर परिश्रमाचे चीज झाले. त्यामुळे त्याच्या कुटुंबातील सदस्यांचा आनंद गगनात मावेनासा झाला. 

वेगळेपण सिद्ध केले

आता सात जानेवारीपासून नाशिक येथील पोलिस अधिकारी प्रशिक्षण केंद्रात प्रशिक्षण घेत आहे. आई-वडिलांनी मोलमजुरी करून शिक्षण घेण्यासाठी कायम पाठिंबा दिला. स्वतःचे परिश्रम, जिद्द, कठोर मेहनतीच्या बळावर कार्तिकेश्वरने अगदी छोट्याशा गावामधून पुढे येत स्वप्न साकार करत आपले वेगळेपण सिद्ध केले आहे.


 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Balasaheb Thackeray Photo: फोटो फाडल्याच्या आरोपांवर शायना एनसींकडून स्पष्टीकरण; एकनाथ शिंदेही बोलले...

Nagpur News : बोगस शालार्थ आयडी प्रकरणी कान्होलीबारातील शिक्षकाला अटक; सायबर पोलिसांची कारवाई, तीन दिवसाची पोलिस कोठडी

Pune FDA Action : सिंहगड रस्त्यावरील माणिकबाग खाऊ गल्लीत अन्न सुरक्षा नियमांचे उल्लंघन उघड; नऊ दुकानांच्या तपासणीत सहा व्यावसायिकांवर प्रशासनाची कारवाई

Latest Marathi News Live Update : ओबीसी हॉस्टेल बांधण्यासाठी महसूल विभागाचा जागा देण्याचा निर्णय

MSC Bank : राज्य सहकारी बँकेच्या कर्मचाऱ्यांना १६ टक्के वेतनवाढ

SCROLL FOR NEXT