बीड : परळी मतदारसंघातून धक्कादायक पराभव पत्कराव्या लागलेल्या भाजप नेत्या पंकजा मुंडे यांच्यासमोर कमबॅकसाठी पाथर्डी (जि. अहमदनगर) मतदारसंघाचा पर्याय आला आहे. येथून विजयी झालेल्या भाजपच्या मोनिका राजीव राजळे यांनी राजीनामा देण्याचा प्रस्ताव मुंडेंसमोर ठेवल्याची खात्रीलायक माहिती आहे.
मोनिका राजळे यांनी शुक्रवारी (25 ऑक्टोबर) परळीत येऊन पंकजा मुंडे यांची भेट घेतली व हा पर्याय समोर ठेवला. दरम्यान, या प्रस्तावावर पंकजा मुंडे आणि त्यांची थिंक टॅंक विचार करीत असल्याचीही माहिती आहे. मात्र, त्या विधानपरिषदेचा पर्याय निवडणार की पुन्हा लढण्याचा हे लवकरच कळणार आहे. पंकजा मुंडे या भाजपच्या राज्यातील प्रमुख नेत्यांमध्ये आणि सुकाणू समितीमध्येही आहेत. मास लीडर अशी ओळख असलेल्या पंकजा मुंडे यांच्याकडे ग्रामविकास आणि महिला व बालविकास ही महत्त्वाची खातीही आहेत. दरम्यान, या निवडणुकीत त्यांचा परळी या होमपिचमध्ये 30 हजारांहून अधिक मतांनी चुलतबंधू धनंजय मुंडे यांनी पराभव केला. जिल्ह्यातही भाजपची मोठी पडझड झाली आहे.
आता राज्यात विरोधकांकडे 117 आमदारांचे बळ
दरम्यान, आगामी सत्तेत पुन्हा पंकजा मुंडे यांचे स्थान निश्चित मानले जात आहे; परंतु त्या विधिमंडळात विधान परिषदेच्या माध्यमातून जातील, असे मानले जात असतानाच आता मोनिका राजळे यांनी त्यांच्यासाठी पाथर्डीjची जागा सोडण्याचा प्रस्ताव ठेवल्याची माहिती आहे. त्यांनी शुक्रवारी परळीत येऊन पंकजा मुंडेंची भेट घेऊन हा प्रस्ताव मांडला आहे. मात्र, आता पंकजा हा प्रस्ताव स्वीकारणार की विधान परिषदेच्या माध्यमातून विधिमंडळात जाणार हे लवकरच कळणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.