जालना : मंत्रिमंडळ विस्तारातून डावलल्याने जालन्यातील काँग्रेसचे आमदार कैलास गोरंट्याल व कार्यकर्ते नाराज झाले आहेत. आमदार गोरंट्याल यांनी कार्यकर्त्यासोबत शनिवारी (ता.4) बैठक आयोजित केली आहे.
या बैठकीत कार्यकर्ते जी भूमिका घेतील त्यासोबत मी जाणार असल्याचे स्पष्ट केले आहे.
'हम बावफा थे,
करके उनके नजरो से गिर गये,
शायद उनको तलाश
किसी बेवफा की थी'
अशा आपल्या नेहमीच्या शायरीच्या अंदाजात त्यांनी मंत्रिपद न दिल्याची खदखद व्यक्त केली आहे.
मंत्रिमंडळाच्या विस्तारात जालना विधानसभा मतदारसंघातील काँग्रेसचे आमदार कैलास गोरंट्याल यांनी 2019 च्या विधानसभा निवडणुकीत शिवसेनेचे माजी राज्यमंत्री यांचा पराभव केला आहे. काँग्रेसच्या पडत्या काळात त्यांनी जालना नगर पालिकेवर आपले वर्चस्व राखले आहे.
माजी मंत्री राख यांच्यानंतर जालना जिल्ह्याला काँग्रेसकडून मंत्रीपद दिल्या गेले नाही. ठाकरे सरकारच्या मंत्रीमंडळात आमदार कैलास गोरंनट्याल यांना मंत्रीपद द्यावे, अशी मागणी कार्यकर्त्याची होती.
मात्र, त्याची पक्षाकडुन दखल घेतली गेली नाही.
त्यामुळे नगर पालिकेतील काँग्रेसचे पदाधिकारीही राजीनाम्याच्या तयारीत आहे. या नाराज कार्यकर्त्यांसोबत आमदार कैलास गोरंट्याल शनिवारी बैठक घेणार असून या बैठकीत कार्यकर्ते जी भूमिका घेतील त्यासोबत मी जाणार असल्याचे त्यांनी स्पष्ट केले आहे.
नक्की वाचा - काय म्हणालेे संजय राऊत या मुद्दयावर?
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.