जालना : कोविड हॉस्‍पीटलमध्ये उपचार घेत असलेल्या शहरातील शंकरनगर मधील 55 वर्षीय व्यक्तीचा शुक्रवारी (ता.12) सकाळी उपचार सुरू असताना मृत्यू झाला. अशी माहिती माहिती जिल्हा शल्यचिकित्सक डॉ. मधुकर राठोड यांनी दिली. कोरोनाचा जिल्ह्यातील हा आठवा बळी असून जिल्ह्यातील एकुण बाधितांची संख्या 255 वर पोचली आहे.

लॉकडाउनचे मानगुटी भूत, पुन्हा अफवांना ऊत!   
 

अंबड शहरातील मदिना चौक परिसरातील 65 वर्षीय व्यक्तीचा गुरूवारी (ता.11) मृत्यू झाला. त्याच दिवशी तब्बल 26 जणांचे अहवाल पॉझिटीव्ह आल्याने कोरोनाचा जिल्ह्यात उद्रेक झालेला आहे. तोच  शुक्रवारी शहरातील शंकरनगरातील रहिवाशी असलेला व मुळचा बुलढाणा जिल्ह्यातील 55 वर्षीय व्यक्तींचा पहाटे मृत्यू झाला आहे.

औरंगांबादेतील बहीण-भावाच्या हत्याकांडामागे ओळखीचेच ?  

 सदर रूग्णाला हृदयाचा आजार, उच्च रक्तदाब व न्यूमोनियाने ग्रस्त होता. ता.5 जून रोजी तो कोरोना बाधित आढळून आला होता. त्याची प्रकृती सुरूवातीपासून गंभीर होती. त्याच्यावर आयसीयु वार्डात उपचार सुरू असताना त्याचा मृत्यू झाल्याची माहिती जिल्हा शल्यचिकित्सक डॉ.मधुकर राठोड यांनी दिली.

महाबीजकडून औरंगाबादेत ६४ क्विंटल तूर बियाणे उपलब्ध  

सात जणांचा अहवाल पॉझिटीव्ह
 दरम्यान जिल्ह्यात पुन्हा सात संशयितांचे अहवाल पॉझिटीव्ह आलेल असून यामध्ये अंबड शहरातील नाईकवाडी मोहल्ला भागातील पाच, जालना शहरातील जयनगर येथील एक व राज्य राखीव दलातील एका जवानाचा समावेश आहे. जिल्ह्यात आढळून आलेल्या कोरोना बाधितांपैकी आठ रूग्णांचा मृत्यू झाला आहे. तर शुक्रवारी वाढलेलया सात रूग्णांमुळे जिल्ह्यातील एकुण बाधितांची संख्या 255 झाली आहे असून त्यापैकी 145 रूग्ण बरे झाले आहे.