हिंगोली : येथील औंढा रोडवरील जिल्हा कोरोना रुग्णालयात कोरोना बाधित रूग्णाचे जिल्ह्यातले पहिले डायलिसिस यशस्वीरीत्या करण्यात आले.

जिल्ह्यात आतापर्यंत ११ हजार ६७६ रुग्णांचे डायलिसिस करण्यात आले आहेत.  जिल्ह्यामध्ये दिवसेंदिवस कोरोनाचे रूग्ण वाढत असून जिल्हा रूग्णालय व आरोग्य विभागाकडून डायलिसिस विविध उपाय योजना केल्या जात आहेत. जिल्हा रूग्णालय  येथे डायलिसिस विभाग २०१४ पासून स्थापन असून आजपर्यंत जिल्ह्यातील रूग्णालायात एकुण ११ हजार ६७६ रुग्णांचे डायलिसिस करण्यात आले. विशेष म्हणजे नियमित डायलिसिस रूग्णापैकी एक रूग्ण कोरोना असल्याचे गुरुवारी (ता. एक)  आढळून आला. रुग्णाला उच्च रक्तदाब असून दोन्ही किडनी निकाम्या झाल्या आहेत.

हेही वाचा -  हिंगोली : कोंढूर येथील 75 एकर गायरानात फिरविला जेसीबी, अतिक्रमण उद्धवस्त

रुग्णाचे डायलिसिस आठवड्यातून दोन वेळेस करणे गरजेचे

कोरोना रुग्णास अँनेमिया सोबतच कोरोनाची लागण झाल्यामुळे रुग्णाचे डायलिसिस आठवड्यातून दोन वेळेस करणे गरजेचे आहे. शुक्रवारी (ता. दोन) औंढा रोड येथे नवीन स्थापन केलेल्या सुसज्ज डायलिसिस विभागात डायलिसिस मशीन, आर.ओ.प्लान्ट, ऑक्सीजन, फॉरवर्ड बेड तसेच अत्यावश्यक सेवा सुविधा, जनरेटर सर्व कार्यान्वीत करून गुरुवारी जिल्ह्यात प्रथमच कोरोना बाधीत डायलिसिस रुग्णांवर यशस्वी उपचार करण्यात आले आहेत.

येथे क्लिक करा - गुड न्यूज : मराठवाड्यातून तीन रेल्वे धावणार, प्रवाशांना दिलासा -

डॉक्टर व कर्मचाऱ्यांचे आभार मानले

रुग्णाची प्रकृती सुधारत असून रूग्ण व नातेवाईकांनी डायलेसिस विभागातील डॉक्टर व कर्मचाऱ्यांचे आभार मानले आहेत. डायलिसिस उपचारासाठी डायलिसिस विभागातील प्रमुख वैद्यकीय अधिकारी डॉ. तुकाराम आऊलवार, डायलिसिस वैज्ञानिक अधिकारी एजाज पठाण, संतोष गिरी, अधिपरिचारिका आदींनी परिश्रम घेतले आहे.

संपादन - प्रल्हाद कांबळे