कडा (बीड) : जालना येथे लग्न समारंभाचा कार्यक्रम उरकून गावी परतत असताना आष्टी तालुक्यातील देविनिमगाव परिसरातील रस्त्याच्या कडेला असलेल्या खोल विहिरीत स्कॉर्पियो गाडी शुक्रवारी (ता.१२) रात्री ०९ वाजता कोसळली. गाडीतील तीन व्यक्ती या घटनेत जखमी झाले. त्यांना स्थानिक गावकऱ्यांनी कडा येथे उपचारासाठी खासगी रुग्णालयात दाखल केले आहे.

अरे बाप रे ..! औरंगाबादेत इंग्रजी शाळांकडून पालकांना धमक्या.

आष्टी तालुक्यातील वाघळूज येथील नितीन अशोक गुंड, बालू शहादेव गुंड व करन राजू पवार हे तिघे मित्राच्या लग्नासाठी शुक्रवारी (ता.१२) जालना येथे गेले होते. लग्नाचा कार्यक्रम उरकून ते पाथर्डी कडा मार्गाने आपल्या गावी परतत असताना देविनिमगाव परिसरात गाडी आली.  अचानक गाडीची लाईट बंद पडल्याने वाहन चालकाचा वाहनावरील ताबा सुटला. शेजारी असलेल्या पन्नास फूट खोल विहिरीत गाडी कोसळली. गाडीतील तिन्ही व्यक्ती जखमी झाले असुन त्यांना उपचारासाठी कडा येथे दाखल केले आहे.

संघर्ष योध्याला आमचे आयुष्य लाभू ध्या..! चाहत्यांकडून मुंडेंसाठी प्रार्थना   

महत्त्वाची बातमी
वीज अंगावर पडून सख्खे बहिणभाऊ जागीच ठार
वडवणी : आई वडिलांना शेतात मदत करण्यासाठी गेलेल्या दोन सख्ख्या बहीण भावाच्या अंगावर वीज पडून मृत्यू झाल्याची घटना तालुक्यातील मोरवड येथे घडली आहे. काल तालुक्यात पाऊस झाल्याने शेतकऱ्यांची शेतात पेरणी व कापूस लागवड सुरू आहे.

उस्मानाबादेत गर्भवती महिलेला कोरोनाची लागण   

आज मोरवड येथील विष्णू अंडील यांच्या शेतात कापूस लागवड सुरू होती. यामध्ये विष्णू अंडील यांचा मुलगा व मुलगी कामात मदत करत होते आज दुपारी तीन वाजता पाऊस सुरू झाल्याने आई वडील व हे दोघे बहीण भाऊ निवऱ्यासाठी झाडाच्या खाली थांबले होते. त्या झाडावर अचानक वीज कोसळल्याने अशोक विष्णू अंडील (वय 17 ) व पूजा विष्णू अंडील (वय 15 ) यांच्या होरपळून जागीच मृत्यू झाल्याची घटना घडली आहे.

मयत अशोक अंडील हा पुणे येथील फर्ग्युशन महाविद्यालयात अकरावीच्या वर्गात शिक्षण घेत होता तर मुलगी पूजा ही गावातीलच विद्यालयात दहावीच्या वर्गात शिकत होती.मुलगा कोरोनामुळे गावी आला होतो मात्र त्याच्यावर काळाने घाव घातल्याने तालुक्यात हळहळ व्यक्त केली जात आहे.