सध्या राज्यात पावसाने हाहाकार माजवलाय. प्रत्येक जिल्ह्यात पावसामुळे अतोनात नुकसान झाले. जनजीवन विस्कळीत झाले. पण याच पावसामुळे हिंगोली जिल्ह्यात १२ लाख पाण्यात गेले आहे.

हिंगोली जिल्ह्यातील स्टेट बँक ऑफ इंडिया (SBI) आणि शिवेश्वर सहकारी बँक जगद्गुरु पतसंस्थेच्या कार्यालयात पावसामुळे पाणी घुसले आणि थेट पाणी लॉकर पर्यंत पोहचले. त्यामुळे चक्क 12 लाख 22 हजार रुपयांचे नुकसान झाले. (due to monsoon rain as currency notes soaking 12 lakhs lost in hingoli)

12 लाख 22 हजारच्या नोटा पाण्यात भिजल्या सोबतच बँकेची महत्त्वाची कागदपत्रे भिजले. बँकेला पावसाचा हा खुप मोठा फटका म्हणावा लागेल. गेल्या कित्येक दिवसापासून हिंगोलीत पावसाचा जोर कायम आहे. हिंगोली जिल्ह्यातील आसना नदीला पूर आला. हे पाणी कुरुंदा गावात शिरले आणि थेट बँकेत पाणी शिरले.

सहसा पावसामुळे शेती, इमारती, रस्ते यांचं मोठ्या प्रमाणात नुकसान होत असतं. पण इथे चक्क बँकेचे नुकसान होत १२ लाख पाण्यात गेल्याने सध्या हा चर्चेचा विषय ठरलाय.

राज्यभरात मुसळधार पाऊस सुरू असून अनेक गावं पाण्याखाली गेली आहेत. अनेक ठिकाणी अतिवृष्टी झाल्यानं गावांचा संपर्क तुटलाय. काही घाटांमध्ये दरडी कोसळण्याच्या, घरांचं नुकसान होण्याच्या घटना घडल्या आहेत. आतापर्यंत राज्यात पावसानं 89 जणांचा मृत्यू झाला असून चार जण अजूनही बेपत्ता आहेत. तर, 181 जनावरांचाही मृत्यू झालाय.