बीड : शासनाकडून शेतकरी व नागरिकांना देण्यात येणारे अनुदान संबंधीतांच्या बँक खात्यात जमा करण्यास सुरुवात झाली आहे. रक्कम काढण्यासाठी संदेश प्राप्त झाल्यानंतर शुक्रवारपासून (ता. तीन) तारखा घोषित करण्यात आल्या. खातेदारास एसएमएसद्वारे पैसे संबंधित खात्यात जमा झाल्याची दिली जाणार असल्याची माहिती स्टेट बँक ऑफ इंडियाचे क्षेत्रीय व्यवस्थापक नंदकिशोर भोसले यांनी दिली.
गुरुवारपासून (ता. दोन) दहा एप्रिलपर्यंत बँक खात्यांत अनुदान जमा होणार आहे. शुक्रवारपासून (ता. तीन) अकरा एप्रिलपर्यंत त्यांना ही रक्कम काढता येणार आहे. ज्या खातेदाराचा खाते क्रमांकाचा शेवटचा क्रमांक शुन्य (०) व एक (१) असेल त्यांच्या खात्यात गुरुवारपासून रक्कम जमा होऊन ती तीन व चार एप्रीलला काढता येईल.
ज्यांचा खाते क्रमांकाचा शेवटचा क्रमांक दोन (२) व तीन (३) असेल अशा ग्राहकांचे अनुदान चार एप्रिलला जमा होऊन ती रक्कम पाच व सहा एप्रीलपासून काढता येईल. खाते क्रमांकाचा शेवटचा क्रमांक चार (४) व पाच (५) असल्यास ता. सहा एप्रिलला अनुदान जमा होऊन ती रक्कम ता. सात व आठ तारखेला काढता येईल.
तर ज्यांचा खाते क्रमांकाचा शेवटचा क्रमांक सहा (६) व सात (७) आहे त्यांचे अनुदान आठ एप्रिलला जमा होऊन ती रक्कम नऊ व दहा एप्रिलला काढता येईल. खाते क्रमांकाचा शेवटचा क्रमांक आठ (८) व नऊ (९) असल्यास १० रोजी अनुदान जमा होऊन ते ११ एप्रिलला काढता येईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.