बीड : सामाजिक न्याय मंत्री तथा जिल्ह्याचे पालकमंत्री धनंजय मुंडे यांनी कायदा पायदळी तुडवत दीपावली फराळ व स्नेह मिलनाचा कार्यक्रम गर्दीने साजरा केला. कोरोना पार्श्वभूमीवर सुरक्षित सामाजिक अंतराचे संकेत डावलून जमावबंदी कलमाचे उल्लंघन केले. त्यांच्यावर गुन्हा नोंद करावा, अशी मागणी भाजपने सोमवारी (ता. २३) केली.
पोलिस अधीक्षक राजा रामास्वामी यांना याबाबत निवेदन देण्यात आले. दसरा मेळाव्यातील भक्तांच्या समूहाकडे वक्रदृष्टी करून पोलिसांनी भाजप नेत्या पंकजा मुंडे यांच्यावर गुन्हा नोंद करून चोख कर्तव्य बजावणाऱ्या पोलिसांनी पालकमंत्र्यांच्या कार्यक्रमाकडे दुर्लक्ष केल्याचा आरोप केला. पोलिसांचे पक्षपाती धोरण जनतेसमोर आले आहे.
यावेळी राजेंद्र मस्के, राजेंद्र बांगर, अशोक लोढा, भगीरथ बियाणी, डॉ. लक्ष्मण जाधव, चंद्रकांत फड, शांतीनाथ डोरले, अनिल चांदणे, बालाजी पवार, फारूख शेख, संभाजी सुर्वे,पंकज धांडे, संगीता धसे, संजीवनी राऊत, लता राऊत आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.