परभणी ः ‘कोरोना’बाधित रुग्ण सापडल्याने शहरातील त्या परिसरासह इतर कॉलन्यांतील चार हजार ८६ घरे कंटेंटमेंट झोनमध्ये समाविष्ठ करण्यात आली आहेत. या झोनमधील नागरिकांना कोणत्याही परिस्थितीत घराबाहेर पडता येणार नाही, अशा सूचना जिल्हाधिकाऱ्यांनी शुक्रवारी (ता. १७) सांयकाळी दिल्या आहेत.

परभणी शहरात बाहेरजिल्ह्यातून आलेल्या एका रुग्णास कोरोना विषाणूचा संसर्ग बाधित निदान झाल्याचे ता.१६ एप्रिलला कोविड १९ तपासणीअंती समोर आले आहे. त्या अनुशंगाने कोविड - १९ या साथरोगाचा संसर्ग वाढू नये यासाठी जिल्हा प्रशासनाने परभणी शहरातील काही परिसर कंटेंटमेट झोनमध्ये समाविष्ठ केले आहेत. हा परिसर नागरिकांसाठी प्रतिबंधित परिसर म्हणून घोषित केला आहे.

हेही वाचा - परभणीतील उपाययोजनांचा पालकमंत्री नवाब मलिक घेताहेत दररोज आढावा

झोनमध्ये या २९ कॉलन्या
दुर्गानगर, कपिलनगर, वृंदावन कॉलनी, सहारा कॉलनी, प्रबुद्धनगर, महात्मा फुलेनगर, प्रियदर्शनीनगर, अहिल्याबाई होळकरनगर, राजे संभाजीनगर, सुंदरीनगर, श्रेयसनगर, जिजाऊनगर, एमआयडीसी परिसर, कृषी सारथी कॉलनी, रामदासनगर, चतुरानगर, रचनानगर, सोमनाथनगर, राजेंद्र गिरीनगर, अंबाभवानीनगर, मथुरानगर, गोकुळनगर, गजानननगर, समाधान कॉलनी, साईबाबानगर, ए - वन मार्केट, भाग्यनगर, वैभवनगर, गाडगे बाबानगर या परिसरातील चार हजार ८६ घरांचा समावेश आहे.

हेही वाचा - Video : पूजा-अर्चा करून साईचरणी ‘कोरोना’चा नायनाट करण्याची प्रार्थना

अत्यावश्यक वस्तू पाहिजे असल्यास फोन करावा लागणार
कंटेंटमेंट झोनमध्ये समाविष्ठ करण्यात आलेल्या चार हजार ८६ घरांतील नागरिकांना काही अत्यावश्यक वस्तू व सेवा लागत असल्यास त्यांना महापालिकेने दिलेल्या अधिकारी, कर्मचाऱ्यांना फोनद्वारे किंवा व्हॉट्सॲपद्वारे मागणी करावी लागणार आहे. यासाठी विठ्ठल सोवणे (९४०५७६६६६४, ९५८८६५०६५१), विठ्ठल शेळके (९४२१७६४७१), विठ्ठल गिराम (९०४९२२३६४), दिगंबर जाधव (९३०९५५४२७३, ९८२३९६१६९१), जुबेर हाश्मी (९८९०६६४०५४), पांडुरंग रणेर (७५८८०१८४१८), सुनील भराडे (८३७९९५६३८७) यांच्या क्रमांकांवर संपर्क साधावा लागणार आहे. 

मास्क न लावल्यास थेट कारवाई
परभणी ः ‘कोरोना’ विषाणू संसर्ग रोखण्यासाठी जिल्हा प्रशासनाने लॉकडाउन दरम्यान कडक निर्बंध सुरू केले आहेत. आता यापुढे सार्वजनिक ठिकाणी थुंकल्यास किंवा मास्क न वापरल्यास थेट कारवाई होणार आहे. पहिल्यांदा दोषी आढळल्यास दंडस्वरुपात आणि दुसऱ्यांदा आढळल्यास फौजदारी कारवाई केली जाणार आहे. सार्वजनिक रस्ते, बाजार, रुग्णालये, शासकीय कार्यालयांच्या ठिकाणी थुंकल्यास शंभर रुपये दंड आणि दुसऱ्यांदा आढळल्यास फौजदारी कार्यवाही केली जाणार आहे.तसेच सार्वजनिक स्थळी चेहऱ्यावर मास्क न वापरणे, नाक, तोंड सुरक्षितपणे झाकलेले नसणे या गुन्ह्यास शंभर रुपये दंड आणि दुसऱ्यांदा फौजदारी कार्यवाही, दुकानावर, भाजीपाला विक्रेते, सर्व जीवनावश्यक विक्रेते यांनी ग्राहकांमध्ये सामाजिक अंतर न पाळल्यास ग्राहकास शंभर रुपये आणि संबंधित विक्रेता, दुकानदारास पाचशे रुपये दंड, सार्वजनिक ठिकाणी, रस्ते, बाजार, रुग्णालये, कार्यालये अशा ठिकाणी एखादी व्यक्ती विनाकारण आढळून आल्यास दोनशे रुपये दंड, एखादी व्यक्ती दुचाकीवरून वैयक्तिक वापरासाठी भाजीपाला, किराना, औषधी घेऊन जात असल्याचे सांगून अनावश्यक फिरताना आढळुन आल्यास दोनशे रुपये दंड लागणार आहे. तसेच वरील सर्व गुन्हे दुसऱ्यांदा केल्यास फौजदारी कार्यवाही होणार असल्याचे आदेश जिल्हाधिकारी श्री.मुगळीकर यांनी काढले आहेत.