परळी (जि. बीड) : सकाळी ११ वाजता सुरु होणारा अभिवादनाचा कार्यक्रम प्रत्यक्ष सुरु व्हायला दीड वाजला. भाजप प्रदेशाध्यक्ष चंद्रकांत पाटील यांच्यासोबत बंद दाराआड झालेली चर्चा आटोपून पंकजा मुंडे यांच्यासह नेते व्यासपीठावर दाखल होताच ‘गोपीनाथराव मुंडे अमर रहे’च्या घोषणांचा गजर झाला.
लोकनेते गोपीनाथराव मुंडे यांच्या जयंतीच्या कार्यक्रमाला गोपीनाथगडावर मोठी गर्दी झाली आहे. सकाळीच जेष्ठ नेते आणि माजी मंत्री एकनाथ खडसे परळीत दाखल झाले होते. पंकजा मुंडे यांचे मौन आणि नाराजी तसेच एकनाथ खडसे यांनी थेट जाहीर केलेली नाराजी या पार्श्वभूमीवर पंकजा मुंडे काही वेगळा निर्णय घेतील असे अंदाज बांधला जात होता.
मात्र, खुद्द पंकजा मुंडे यांनी याचे खंडन केले होते. मात्र, जी काही भूमिका असेल ती गुरुवारी कार्यक्रमात जाहीर करु, असे सांगून सस्पेंसही निर्माण केला होता. दरम्यान, गुरुवारी भाजप प्रदेशाध्यक्ष चंद्रकांत पाटील परळीत दाखल झाल्यानंतर श्री. पाटील व पंकजा मुंडे यांच्यात बंद दाराआड चर्चा झाली. त्यानंतर दुपारी दिड वाजेच्या दरम्यान या नेत्यांचे व्यासपीठावर आगमन होताच ‘अमर रहे अमर रहे गोपीनाथराव मुंडे अमर रहे’च्या घोषांचा गजर झाला.
माजी विधानसभा अध्यक्ष हरिभाऊ बागडे, माजी मंत्री, बबनराव लोणीकर, प्रकाश मेहता, माजी मंत्री अतुल सावे आदींसह खासदार प्रितम मुंडे, आमदार सुरेश धस, सुरजितसिंह ठाकूर, नमिता मुंदडा, मोनिका राजळे, मेघना बोर्डीकर, रमेश आडसकर नेतेही उपस्थित आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.