हिंगोली : जिल्ह्यात कोरोना नियंत्रणासाठी तसेच मुत्युदर कमी करण्यासाठी माझे कुटुंब माझी जबाबदारी कोविड महाराष्ट्र मुक्त ही  मोहिम दोन टप्प्यात राबविण्यात येत आहे.

जिल्ह्यात या मोहिमेचा  शुभारंभ पालकमंत्री वर्षा गायकवाड यांच्या हस्ते करण्यात आला. सदर मोहिम जिल्हाधिकारी रुचेश जयवंशी व मुख्य कार्यकारी अधिकारी राधाबिनोद शर्मा यांच्या मार्गदर्शनाखाली संपूर्ण जिल्ह्यात राबविण्यात येणार असुन या मोहिमेचे तंतोतंत नियोजन करण्यात आले. या मोहिमेत जिल्ह्यातील एकुण १२ लाख १७ हजार ४५८  लोकसंख्या व कुटुंब संख्या दोन लाख ३६ हजार ७१६  ऐवढ्या कुटुंबाची आरोग्य तपासणी करावयाची आहे. त्यामध्ये ग्रामीण भाग कुटुंब संख्या एक लाख ९३ हजार ७३७ तर शहरी भाग कुटुंब संख्या ४२ हजार ९७९  ऐवढी होती या करीता जिल्ह्यात आरोग्य विभागामार्फेत ५९५ पथक स्थापन करण्यात आली होती त्यामध्ये १७८५ कर्मचारी होते.

हेही वाचा -  परभणी : झरी परिसरात कापसावर लाल्या रोगाचा प्रादुर्भाव, शेतकरी चिंतेत

आजपर्यत जिल्ह्यातील दोन लाख २४ हजार ७३० कुटुंबाला पथकाने भेटी

संदर्भ सेवेसाठी ३७ डाँक्टर ,अंब्युलन्स २९ उपलब्ध करण्यात आल्या. याकरीता पथकातील कर्मचारी यांना टिशर्ट अँप्रोन, टोपी, बँच व प्रसिद्धी साहित्य देण्यात आले. या मोहिमेची आरोग्य विभागामार्फेत जिल्ह्यातील गावोगावी मोठ्या  प्रमाणात जनजागृती करण्यात येत आहे व  कोरोना एक्सप्रेसद्वारे जनजागृती करण्यात येत आहे. नागरिकांमध्ये  कोरोना या आजाराबदल प्रभावीपणे जनजागृती झाली ता. १५ ते  आजपर्यत जिल्ह्यातील दोन लाख २४ हजार ७३०  कुटुंबाला पथकाने भेटी देऊन आरोग्य तपासणी केली तसेच त्यांना घरोघरी जाऊन आरोग्य शिक्षण दिले.

मोहिमेचे तपासणी काम ९६ टक्केच्या वर झाले

यामोहिमे दरम्यान आरोग्य तपासणी मध्ये आढळून आलेल्याना रुग्णालयात पुढील तपासणी करीता संदर्भित करण्यात आले. या मोहिम दरम्यान जिल्ह्यातील गावांना जिल्हा आरोग्य अधिकारी डाँ.शिवाजी पवार यांनी प्रत्यक्ष भेटी देऊन पाहणी केली व कर्मचाऱ्यांना येणाऱ्या अडीअडचणी सोडविल्या. डाँ.पवार यांच्या उत्कृष्ट नियोजनामुळे मोहिमेचे तपासणी काम ९६ टक्केच्या वर झाले. यामोहिम काळात जिल्ह्यात झालेल्या कामाचा दैनंदिन अहवाल जिल्ह्यास्तरावर एकञित करण्यात येते  व वरिष्ठ कार्यालयास वेळेत सादर करण्यात येतो  या कामी साथरोग वैद्यकीय अधिकारी डाँ.गणेश जोगदंड यांच्या नियंत्रणाखाली पथक स्थापन करण्यात आले होते.

येथे क्लिक करा - नांदेड : शाळा सुरु करा, विद्यार्थ्यांनी पाठविले सीएमला पत्र

जिल्ह्यातील यंत्रणा कामाला

त्यामध्ये उद्धव थिटे, साहेबराव नरोटे नरेंद्र पत्की,राहुल मोरे,यांनी सर्व जिल्ह्यातील अहवाल एकञित करुन वेळेत वरिष्ठ कार्यालयास सादर केले. या मोहिमेत जिल्ह्यातील आशा स्वयंसेविका,स्वयसेवक, आरोग्य कर्मचारी स्ञी, पुरुष, समुदाय आरोग्य अधिकारी वैद्यकीय अधिकारी ,तालुका आरोग्य अधिकारी, वैद्यकीय अधिक्षक, या सर्वाचे काम पाहुन जिल्हाधिकारी  रुचेश जयवंशी व मुख्य कार्यकारी अधिकारी  राधाबिनोद शर्मा यांनी प्रशंसा करुन अभिनंदन केले.

संपादन - प्रल्हाद कांबळे