जालना : जिल्ह्यात कोरोनाचे मृत्यूसत्र सुरूच आहे. बुधवारी चार रुग्णांच्या मृत्यूनंतर आज एका २८ वर्षीय तरुणाचा कोरोना विषाणूने बळी घेतला. तर आणखी १९ जणांचा अहवाल कोरोना पॉझिटिव्ह आला आहे.
पालकमंत्र्यांपासून अल्पभूधारक शेतकरी ठेवले चार हात दूर, कृषी विभागावर शेतकरी संतापले
जालन्यात गेल्या आठवड्यापासून रोज कोरोना बाधित रुग्णांचा मृत्यू होत असून या मृत्यूचे प्रमाण दिवसेंदिवस वाढत चालले आहे. गुरुवारी सकाळी जालना शहरातील दुखीनगर येथील एका २८ वर्षीय तरुणाचा मृत्यू झाला असून हा जिल्ह्यातील ३५ वा बळी ठरला आहे. जालना शहरातील जुना जालना भागातील दुःखीनगर मधील तरुणाला त्याच्या नातेवाईकांनी (ता.७) जुलै रोजी जिल्हा रुग्णालयात उपचारासाठी दाखल केले होते. या तरुणाचा कोरोनाचा अहवाल बुधवारी सायंकाळी पॉझिटिव्ह प्राप्त झाला होता. त्याच्यावर उपचार सुरू असताना सकाळी या तरुणाचा मृत्यू झाला आहे.
दरम्यान कोरोना बाधित रुग्णांच्या संपर्कात आलेल्या १९ संशयितांचे अहवाल आज पॉझिटिव्ह आले आहे. यात जालना शहरातील विविध भागातील अठरा जणांचा समावेश आहे. तर बुलडाणा जिल्ह्यातील सिंदखेडराजा येथील एका व्यक्तीचा समावेश असल्याची माहिती आरोग्य विभागाने दिली आहे. जालना शहरात पसरलेली कोरोनाची साखळी तोडण्यासाठी शहरात दहा दिवसाचा लॉकडाउन लागू असून आज त्याचा तिसरा दिवस आहे. या काळात प्रत्येक भागात घरोघरी जाऊन आरोग्य कर्मचाऱ्यांचे पथक नागरिकांची तपासणी करत आहे.
जिल्ह्यात आतापर्यंत ८४७ कोरोना बाधित रुग्ण आढळून आले असून त्यापैकी ५०४ रुग्ण बरे झाले आहेत. सध्या रुग्णालयात ३१५ रुग्णांवर उपचार सुरु आहे. तर आतापर्यंत ३५ जणांचा मृत्यू झाला आहे.
संपादन : प्रताप अवचार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.