कळंब : शहरातील कोरोनाच्या संसर्गाने मृत्यू झालेल्या सराफ व्यापार्याच्या संपर्कातील चार तर बड्या व्यापाऱ्याच्या कुटूंबाच्या संपर्कातील ११ व्यक्तींचा अहवाल गुरुवारी (ता.३०) कोरोना पॉझिटिव्ह आल्याने आता कळंबकरांच्या टेन्शन मध्ये वाढ झाली. तालुक्यातील मंगरूळ येथे ६ रुग्ण वाढले आहेत. बड्या व्यापाऱ्यांनी प्रशासनाला सहकार्य केले नसल्याची माहिती समोर आली असून संपर्कात आलेल्या व्यक्तींना प्रशासनाला बळजबरी क्वारंटाईन करावे लागले. त्यामुळे पुढील अनर्थ टळला आहे. 

प्यार वाली लव्ह स्टोरी : उस्मानाबादचा 'पठ्ठया' प्रियसीसाठी चक्क पाकिस्तान बॉर्डरवर..! 

शहरातील एका सराफ व्यपाऱ्याच्या मृत्यू झाला होता. त्याचा स्वॅब तपासणीसाठी पाठविण्यात आला. स्वॅब पॉझिटिव्ह आल्याने एकच खळबळ उडाली होती. त्यांच्या संपर्कातील चार व्यक्तींना कोरोनांची लागण झाल्याचे उघड झाले. शहरातील बड्या व्यपाऱ्याचे विविध ठिकाणी व्यवसाय आहेत.

ऑनलाइन शिक्षणाचा स्क्रीनटाईम वाढल्याने विद्यार्थ्यांचे वाढले हे आजार...   

कोरोनाची बाधा झाल्याचे निदर्शनास येऊन ही या व्यापाऱ्याच्या कुटूंबाने दुर्लक्ष केले. शहरातील ढोकी रस्त्यावरील पेट्रोल पंप, हासेगाव येथील कापूस जिनिग व शहरातील सराफ लाईन भागात यांच्या व्यवसायाचे जाळे पसरले आहे. या ठिकाणी मोठ्या प्रमाणात कामगार असून हे व्यापारी आणि त्यांच्या कुटूंबातील सदस्य खुलेआम संपर्कात आल्याची माहिती उघड होत आहे. 

Breaking: काँग्रेसचे जेष्ठ नेते डॉ. शिवाजीराव पाटील निलंगेकर कोरोना पॉझिटिव्ह, प्रकृती उत्तम 

दरम्यान शहरातील बड्या व्यापाऱ्याच्या संपर्कात आलेल्या व्यक्तींना प्रशासनाने बळजबरी क्वारंटाईन केले. संपर्कातील ११ व्यक्ती कोरोना पॉझिटिव्ह आले आहेत. क्वारंटाईन न करण्यासाठी प्रशानावर दबाव टाकण्यात आल्याची माहिती समोर आली. असून दबावाला बळी न पडता प्रशासनाने कारवाई सुरूच ठेवली त्यामुळे पुढील अनर्थ टळला असल्याचे बोलले जात आहे.

बेडूक अन् उंदरांवर चालते त्यांची उपजीविका  

तालुक्याल मंगरूळ येथे ६ रुग्ण कोरोना पॉझिटिव्ह आल्याने खळबळ उडाली असून पॉझिटिव्ह आलेल्यांचे अहवाल औरंगाबाद येथील सुक्ष्मजीवशास्त्र विभागाकडे पाठविण्यात आले होते. गुरुवारी शहरातील १५ व मंगरूळ येथील ६ असे २१ जणाला कोरोनाचा संसर्ग झाल्याचे उघड झाले आहे, असे तालुका आरोग्य अधिकारी प्रदीप जाधव यांनी सांगितले आहे