लातूर : बँकेत पैसे भरण्यासाठी जात असताना (ता. १७) जून रोजी येथील कमिशन एजंटाची पावने पंधरा लाखाची बॅग चोरट्यांनी पळवली होती. या प्रकरणातील मुख्य चोरट्याला अटक करण्यात स्थानिक गुन्हे शाखेच्या पोलिसांना यश आले आहे. यात साडे तीन लाख रुपये जप्त करण्यात आले आहेत. स्थानिक गुन्हे शाखेचे पोलिस निरीक्षक सुनील नागरगोजे यांच्या नेतृत्वाखालील पथकाने ही कारवाई केली आहे.

पालकमंत्र्यांपासून अल्पभूधारक शेतकरी ठेवले चार हात दूर, कृषी विभागावर शेतकरी संतापले  
 

लातूर येथील कमिशन एजंट धनजीभाई पाबारी हे (ता.१७) जून रोजी दुपारी पावने तीन वाजता मोटार सायकलवरून बँकेत आरटीजीएस करण्यासाठी जात होते. येथील स्क्रॅप मार्केट रस्त्यावर गो-रक्षणच्या समोर दोन अज्ञात व्यक्ती मोटार सायकलवरून त्यांच्याजवळ आल्या. कोयत्याचा धाक दाखवून त्यांनी १४ लाख ७५ हजार ६०० रुपये असलेली बॅग जबरदस्तीने हिसकावून नेली होती. या प्रकरणी गांधी चौक पोलिस ठाण्यात गुन्हा नोंद करण्यात आला होता.

धक्कादायक..! औरंगाबाद प्राणिसंग्रहालयात तब्बल पाच वाघांचा मृत्यू, वाचा सविस्तर..!

या प्रकरणाचा पोलिस अधिक्षक डॉ. राजेंद्र माने यांच्या सूचनेवरून स्थानिक गुन्हे शाखेचे पोलिस निरीक्षक सुनील नागरगोजे यांच्या नेतृत्वाखाली पथकाने समांतर तपास केला आहे. यात माहिती मिळाल्यानंतर शनिवारी (ता. ११) येथील बारा नंबर पाटीजवळ या शाखेच्या पोलिसांनी सापळा रचला. यात संशयीत असलेला दिनेश बलभीम करे (रा. गौसपुरागल्ली, स्क्रॅप मार्केट रोड) हा पोलिसांना पाहून पळून जात होता. पोलिसांनी त्याचा पाठलाग करून अटक केली. या प्रकरणातील तो मुख्य आरोपी आहे. त्याच्या पाठीवर असलेल्या सॅगमधून साडे तीन लाख रुपये पोलिसांनी जप्त केले आहेत.

सावंगीत कब्रस्तानाच्या कडेला आढळली शिवपिंड; गावकऱ्यांनी हा घेतला निर्णय..!  

पोलिसांनी त्याची अधिक चौकशी केली असता साथीदाराच्या सहाय्याने त्याने ही चोरी केल्याचे कबूल केले. या पूर्वीही दिनेश बलभीम करे हा सराईत गुन्हेगार आहे. त्याच्याकडून इतर गु्न्हे उघडकीस येण्याची शक्यता आहे, अशी माहिती श्री. नागरगोजे यांनी दिली. पुढील तपासासाठी त्याला गांधी चौक पोलिस ठाण्याकडे देण्यात आले आहे. त्याला अटक करण्यासाठी पोलिस नाईक सुधीर कोळसुरे, सिद्धेश्वर जाधव यांनी पुढाकार घेतला.

संपादन प्रताप अवचार