हिंगोली ः ‘कोरोना’चे संकट व लॉकडाऊनमुळे अनेक नवीन प्रश्न निर्माण झाले आहेत. कुणाच्या घरी जायचे नाही, नातेवाइकाकडे देखील ये-जा बंदच झाली आहे. त्‍यामुळे केवळ फोनवर त्‍यांची खुशाली विचारली जात आहे. बाहेरगावी मुले असली तरी त्‍यांना काळजी घेण्याच्या सूचना देण्याशिवाय इतर कोणतीही गोष्ट करता येत नाही. मुलांचीही अवस्‍था तर इतर नातेवाईकांच्या बाबतही हा नियम लागू झाला आहे, अशा वेळी शेजारी राहणारेच नातेवाइक बनल्याचा अनूभव अनेकांना येत आहे. 

नेहमीच नात्याचा गोतावळा व नातेवाइकांच्या कार्यक्रमात रमणाऱ्या आता ‘कोरोना’च्या संकटात केवळ शेजाऱ्यांच्याच आधार मोठा वाटू लागला आहे. माणूसकीची मदत प्रत्‍येकाला नवा धडा देणारी ठरली आहे. लॉकडाऊनमध्ये नातेवाईक केवळ फोनवर तर शेजाऱ्याची सगळी मदत मिळाल्याचा अनुभव येत आहेत.

हेही वाचा - वसमत येथे ५० खाटांचा विलगीकरण कक्ष

अनेक नवीन प्रश्न झाले निर्माण 
‘कोरोना’ संकट व लॉकडाऊनमुळे अनेक नवीन प्रश्न निर्माण झाले आहेत. कुणाच्या घरी जायचे नाही, नातेवाइकाकडे देखील ये-जा बंद झाली आहे. त्‍यामुळे नातेवाइकांना फोनवर त्‍यांची खुशाला विचारली जात आहे. बाहेरगावी मुले असली तरी त्‍यांना काळजी घेण्याच्या सुचना देण्याशिवाय इतर कोणत्या गोष्टी करता येईना झाल्या आहेत.

हेही वाचा - नियमांचे उल्‍लंघन करणाऱ्या ५३ जणांवर गुन्हे

किरकोळ गोष्टींसाठी मिळतेय मदत
छोटी मुले घराबाहेर पडली तर शेजारी लगेच त्‍यांना आवरण्याचे सांगतात. भाजीपाला आला तर शेजाऱ्यांना आवाज देवून भाजी घेण्याची सूचना दिली जात आहे. कॉलनीतील सर्व रहिवाशी या संकटाने एकत्र येवून स्‍वच्‍छता ठेवण्याचे प्रयत्‍न करीत आहेत. कुणी आजारी असेल तर कॉलनीतील शेजारी राहणारे डॉक्‍टर औषधी लिहून देतात. काही नागरिकांनी आता कॉलनीतील लोकांचे व्हॉटसपॲपचे ग्रुप देखील केले आहेत. घरातील कोणती वस्‍तू संपली तर शेजाऱ्यांना सांगून ती उपलब्ध केली जात आहे.

कॉलनीची स्‍वच्‍छता ठेवण्याचा निर्णय
कोरोनाच्या संकटात सर्व शेजाऱ्यांना एकत्र येवून कॉलनीची स्‍वच्‍छता ठेवण्याचा निर्णय घेतला तसेच कॉलनीत येणारे रस्‍ते बाहेर गावातून येणाऱ्यासाठी बंद केले आहेत. कोणतेही प्रश्न असल्यास ते शेजाऱ्यांना बोलूनच सोडविले जात आहेत. -विनायक देशमुख.