जालना - शहरातील कोरोना बाधिताच्या हायरिस्क संपर्कातील व्यक्तींची आता मोबाईल व्हॅनद्वारे स्वॅब टेस्टिंग केली जाणार आहे, अशी माहिती नगरपालिकेचे मुख्याधिकारी नितीन नार्वेकर यांनी शुक्रवारी (ता.दहा) दिली.
शहरातील टाऊन हॉल येथील डॉ. बाबासाहेब आंबेडकर सभागृह येथे शुक्रवारी (ता.दहा) नगरसेवकांची मोबाइल व्हॅनच्या वेळापत्रकाची माहिती देण्यासाठी बैठक पार पडली. यावेळी जिल्हा परिषदेच्या मुख्य कार्यकारी अधिकारी निमा अरोरा, नगरपालिकेचे मुख्याधिकारी नितीन नार्वेकर, नगरपालिकेचे अधिकारी उपस्थित होते.
हेही वाचा : दिवस येतील छान, घेऊ नका ताण
बैठकीत यासंदर्भात माहिती देताना मुख्याधिकारी श्री. नार्वेकर म्हणाले, की जिल्हा सामान्य रूग्णालयाच्या माध्यमातून कोरोनाबाधिताच्या हायरिस्क संपर्कातील व्यक्तींची स्वॅब टेस्टिंगसाठी सहा मोबाइल व्हॅन उपलब्ध झाल्या आहेत.
हेही वाचा : पावसाचं पाणी, आबादानी...
जालना शहरातील ३६ वॉर्डामध्ये टेस्टिंगसाठी वेळापत्रक ठरविले आहे. जिल्हा सामान्य रूग्णालयाचा वैद्यकीय पथक हे या मोबाइल व्हॅनसोबत असणार असून ते स्वॅब घेणार आहेत. दरम्यान या कामासाठी संबंधित वॉर्ड नगरसेवक ही सहकार्य करणार आहेत, असे मुख्याधिकारी श्री. नार्वेकर यांनी सांगितले.
जालना शहरातील विविध भागात गेल्या काही दिवसांपासून कोरोनाबाधितांचा आकडा वाढलेला आहे. त्यातच शहरातील कोरोना बाधिताच्या हायरिस्क संपर्कातील व्यक्तींच्या संख्येतही भर पडत आहे. त्यामुळे टेस्टिंगची गती वाढविण्याची गरज होती, आता सामान्य रूग्णालयाच्या माध्यमातूनसहा मोबाइल व्हॅन उपलब्ध झाल्याने टेस्टिंगची गती वाढणार आहे.
(संपादन : संजय कुलकर्णी)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.