आष्टी (जि.बीड) : बीड (Crime In Beed) जिल्ह्यातील आष्टी तालुक्यात एक धक्कादायक घटना उघडकीस आली आहे. वंशाच्या दिव्यासाठी चक्क आईने तीन मुलांसाठी सहा सुना करुन आणल्याचा प्रकार घडला आहे. एका गरोदर सुनेच्या तक्रारीनंतर हे प्रकरण समोर आले आहे. तालुक्यातील (Ashti) जळगाव येथील ही घटना. येथील एका कुटुंबात आई, वडील आणि तीन मुले. हे तिन्ही मुले विवाहित आहेत. मात्र कोणालाच मुलबाळ नाही. त्यामुळे आईनेच तिघांसाठी सहा सुना आणल्या होत्या. एका मुलाच्या अगोदरच्या पत्नीला मुलगा न झाल्याने तिच्यासोबत फारकत घेतली. त्या मुलाचा दुसरा विवाह (Crime Against Woman) लावून दिला. दुसऱ्याही पत्नीला मुलगीच झाली. त्यामुळे वंशाचा दिव्यासाठी सासूने आपल्या २९ वर्षीय सुनेला स्वतःच्या अविवाहित भाच्यासोबत जबरदस्तीने संबंध ठेवण्यास भाग पाडले. सुनेने विरोध केल्यावरही तिला धाक दाखवून अत्याचार करण्यात आला.

पीडिताने थेट आष्टी पोलिस ठाणे गाठून सासरची मंडळी, पती आणि अत्याचार करणाऱ्या तरुणाविरोधात पोलिस ठाण्यात तक्रार दिली. आरोपींना अटक केली होती. मात्र त्यांना अंतरिम जामीन मंजूर झाला आहे. अत्याचार करणारा तरुण व पीडितेची सासू फरार आहेत. आरोपींना तात्काळ अटक करावी, अशी मागणी पीडितेने केली आहे.