बीड : जिल्ह्यात मंगळवारी (ता. एक) दोन वेगवेगळ्या अपघातात एक ठार तर चौघे जखमी झाले. पहिली घटना कोळवाडी (ता. बीड) येथे तर दुसरी घटना परळी-सिरसाळा रस्त्यावरील ब्रह्मवाडी शिवारात घडली.
मराठवाड्यातील अन्य बातम्या वाचण्यासाठी यावर क्लिक करा..!
शंकर तात्या जाधव (वय ७०, रा. कोळवाडी, ता. बीड) हे मंगळवारी सकाळी रस्ता ओलांडत होते. भरधाव टेम्पोने (क्रमांक एम. एच. १९ झेड ९४९७) त्यांना जोराची धडक दिली. यात त्यांचा जागीच मृत्यू झाला. या प्रकरणी चालक दिनेश दौलत जाधव (रा. बीलवाडी, ता. जि. जळगाव) यांच्या विरोधात गुन्हा नोंद झाला. घटनास्थळी फौजदार श्री. गिते, फौजदार श्री. घोडके, श्री. जाधवर, शेख अल्ताफ, विलास ठोंबरे, किशोर जाधव, मारोती म्हेत्रे, विठ्ठल सांगळे, सुदाम वनवे, विकास थोरात यांनी जाऊन पंचनामा केला.
दुसरा अपघात परळी सिरसाळा रस्त्यावरील ब्रह्मवाडी शिवारात घडला. एका रिक्षाला (एमएच २३ टीआर ३११) अज्ञात वाहनाने जोराची धडक दिल्याने यात शिवमूर्ती रोडे, वनुबाई माने, आशाबाई फड, सागरबाई फड व अन्य लहान मुले जखमी झाले. जखमींना परळी व अंबाजोगाई रुग्णालयात दाखल करण्यात आले.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.