अंबाजोगाई (बीड) : कोरोनाबाधित मृतांच्या अंत्यसंस्काराला स्थानिकांनी विरोध केल्याने गुरुवारी (ता.२३) सायंकाळपर्यंत दोन मृतांवर अंत्यसंस्कार होऊ शकले नव्हते. नेहमीच्या स्मशानभूमीत कोरोना मृतांचे अंत्यसंस्कार न करता त्यासाठी स्वतंत्र व्यवस्था करा, अशी मागणी गावकर्यांनी केली. मात्र या प्रकारामुळे माणूसकी हरविली की काय असा प्रश्न उभा झाला आहे.
स्वारातीच्या कोविड सेंटरमध्ये उपचार घेताना मृत्यूमुखी पडलेल्या दोन कोरोना बाधीतांवर शहरातील बोरुळ तलाव स्मशानभूमीत अंत्यसंस्कार करण्यास स्थानिकांनी विरोध दर्शवला. त्यानंतर पालिका व महसूल प्रशासनाने स्वारातीच्या परिसरात असलेल्या जागेत अंत्यसंस्कार करण्याचे ठरवले.
परंतू तेथेही विरोध झाल्याने काही काळ तणावाचे वातावरण निर्माण झाले होते. अखेर पालिकेच्या कचरा डेपो परिसरात शेड तयार करून अंत्यविधी करण्याचे ठरले. परंतू सायंकाळपर्यंत हा अंत्यविधी झाला नव्हता.
अंबाजोगाईत गुरुवारी सात कोरोनाबाधीत रुग्णाचे निदान झाले. त्यापैकी हाऊसिंग सोसायटी येथील एका ९० वर्षीय वृद्धाचा मृत्यू झाला होता. त्याचबरोबर आणखी एक इतर ठिकाणच्या कोरोनाबाधीताचा मृत्यू झाला होता. त्या दोघांवर आता अंत्यसंस्कार करण्याची तयारी सुरू होती.
(संपादन-प्रताप अवचार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.