उस्मानाबाद : जिल्ह्यामध्ये कोरोना मीटर वेगात सुरुच आहे. शुक्रवारी (ता.१८) दिवसभरात २७५ नवीन रुग्णांची वाढ झाली. चार जणांचा कोरोनाने मृत्यू झाला. तर जिल्ह्यामध्ये दिवसभरामध्ये ८६ रुग्ण बरे होऊन घरी परतले आहेत. तसेच आजपोवेतो जिल्ह्यात २७३ जणांचा कोरोनाने बळी गेला आहे. सध्या जिल्ह्यात ८ हजार ३१० एवढ्या व्यक्ती होम क्वारंटाईनमध्ये असून एक हजाराहुन अधिक जण संस्थात्मक क्वारंटाईनमध्ये आहेत.  

मराठवाड्यातील अन्य बातम्या वाचण्यासाठी यावर क्लिक करा..!

जिल्ह्यामध्ये आज आढळलेल्या २७५ पैकी ११० जण आरटीपीसीआरद्वारे तर १५१ जणाची अँटिजेन टेस्ट पॉझिटिव्ह आली आहे. १४ जण इतर जिल्ह्यामध्ये बाधित झाल्याचे समोर आले आहे. यामध्ये एकट्या उस्मानाबाद तालुक्यात ७६ जण बाधित असून त्यामध्ये १५ जण आरटीपीसीआरद्वारे तर ५४ जणांची अँटिजेन टेस्ट पॉझिटिव्ह आली आहे. इतर जिल्ह्यामध्ये सात जणांना कोरोनाची लागन झाली आहे.

औरंगाबाद जिल्ह्यातील महत्त्वाच्या बातम्या वाचण्यासाठी येथे क्लिक करा.

तुळजापुर तालुक्यातील ५५ जणांना बाधा झाली असुन त्यामध्ये १५ जण आरटीपीसीआरद्वारे तर ३८ जणांची अँटिजेन टेस्ट पॉझिटिव्ह आली आहे. दोन जण इतर जिल्ह्यामध्ये बाधित झाले आहेत. उमरगा येथील ५९ जण बाधित झाले असून त्यामध्ये आरटीपीसीआरद्वारे ४६ जण तर दहा जणाची अँटिजेन टेस्ट पॉझिटिव्ह आली आहे. इतर जिल्ह्यामध्ये तीघांना लागन झाली आहे. कळंब तालुक्यात २६ जण बाधित असुन त्यामध्ये १४ जण आरटीपीसीआरद्वारे व १२ जणांची अँटिजेन टेस्ट पॉझिटिव्ह आली आहे. परंडा येथील १३, लोहारा आठ, भुम १६ व वाशी २२ अशा तालुकानिहाय रुग्णसंख्या आढळुन आली आहे.

देशभरातील महत्त्वाच्या बातम्या वाचण्यासाठी येथे क्लिक करा.

मृत्यूत यांचा समावेश  
कळंब तालुक्यातील जायफळ येथील ६४ वर्षीय पुरुष यांचा उपचारादरम्यान लातुर येथील खाजगी रुग्णालयामध्ये मृत्यू झाला आहे. तुळजापुर तालुक्यातील चिंचोली येथील ७५ वर्षीय स्त्रीचा तेथीलच उपजिल्हा रुग्णालयात मृत्यु झाला. भुम तालुक्यातील वालवड येथील ६५ वर्षीय पुरुषाचा बार्शी येथे उपचारादरम्यान मृत्यू झाला. तर भुम तालुक्यातील दिंडोरी येथील ७० वर्षीय पुरुषाचा जिल्हा रुग्णालयामध्ये मृत्यू झाला. 

(संपादन-प्रताप अवचार)