उस्मानाबाद : गेल्या अनेक दिवसांपासून कोरोनबाधितांचा आकडा वाढत असल्याने उस्मानाबादकरांची चिंता वाढली आहे. दरम्यान, येथील जिल्हा रुग्णालयातून बुधवारी (ता. दहा) पाठविलेल्या ३३ स्वॅब नमुन्यांचा अहवाल सायंकाळी प्राप्त झाले. त्यापैकी ३१ जणांचे अहवाल निगेटिव्ह आले, तर एकाच्या अहवालाबद्दल निष्कर्ष निघू शकला नाही. तर एका रुग्णाचा दुसरा अहवाल पॉझिटीव्ह आला आहे. दरम्यान, आज एकही नवीन रुग्ण आढळला नसल्याने जिल्हावासियांना दिलासा मिळाला आहे.

उस्मानाबाद जिल्ह्यातील रुग्णसंख्या १३७ वर पोचली आहे. दररोज ही संख्या वाढत असल्याने उस्मानाबादकर गेल्या काही दिवसांपासून चिंतेत आहे. मात्र आज पाठविलेले सर्व अहवाल निगेटिव्ह आल्याने दिलासा मिळाला आहे. बाधितपैकी ८५ जण बरे होऊन घरी परतले आहेत.

वीस वर्षांत पहिल्यांदाच लातूरला मंत्रिपद, तरी `राष्ट्रवादी`ला दुय्यमच स्थान

जिल्ह्यामध्ये आता सात हजार २६१ संशयित आहेत. त्यातील सात हजार २५१ नागरिकांना क्वारंटाईन करण्यात आले आहे. सहा हजार ३४१ होम क्वारंटाईन, तर ९१० लोकांना संस्थात्मक क्वारंटाईन करण्यात आले आहे. आतापर्यंत चार हजार ५७१ जणांनी चौदा दिवसांचा क्वारंटाईन कालावधी पूर्ण केला आहे. तर एक हजार ६५८ इतक्या नागरिक घरी पाठविण्यात आले आहे.

आतापर्यंत दोन हजार १०८ लोकांचे स्वॅब नमुने घेण्यात आले असून, त्यातील १३७ पॉझीटिव्ह आले आहेत. तर एक हजार ७९९ अहवाल निगेटिव्ह आले आहेत. त्यापैकी तिघे परजिल्ह्यामध्ये बाधित झाले असले तरी त्यांचा समावेश जिल्ह्यामध्ये करण्यात आला आहे.

हेही वाचा :  कोरोनाबाधिताच्या अंत्यविधीला तब्बल शंभर जण

दरम्यान, कोरोनाने जिल्हयात आतापर्यंत तीन बळी गेले आहे. दोघांचा मृत्यू उस्मानाबाद जिल्हा रुग्णालयात उपचार सुरु असताना झाला, तर अन्य एकाचा उमरगा येथे झाला होता. उस्मानाबाद, कळंब व उमरगा तालुक्यातील प्रत्येकी एक अशी तीन रुग्णांचा आतापर्यंत कोरोनाने मृत्यू झाला आहे. 

तालुकानिहाय कोरोनाबाधित रुग्णसंख्या, तर कंसात बरे झालल्यांचा आकडा 
उस्मानाबाद - ५५ (२९), तुळजापूर - ०६ (०९), उमरगा - १६ (१५), लोहारा - ०७ (०१), कळंब - ३५ (१८), वाशी - ०४ (०), भूम- ०३ (०), परंडा - ११ (१३), एकुण -१३७ (७६).