उस्मानाबाद जनता बँकेच्या निवडणुकीसाठी शांततेत मतदान, उद्या मतमोजणी sakal media
मराठवाडा

उस्मानाबाद जनता बँकेच्या निवडणुकीसाठी शांततेत मतदान, उद्या मतमोजणी

उस्मानाबाद जनता बँकेच्या १४ संचालकांच्या जागेसाठी शुक्रवारी (ता. १८) शांततेत मतदान झाले

सयाजी शेळके

उस्मानाबाद : उस्मानाबाद जनता बँकेच्या निवडणुकीसाठी शांततेत मतदान झाले असून उमेदवारांचे भवितव्य मतपेटीत बंद झाले आहे. आता बँकेच्या चाव्या कोणाच्या हातात जातात याकडे सर्वांचे लक्ष लागले असून शनिवारी (ता. २०) मतमोजणी होणार आहे. २० वर्षानंतर ही निवडणूक झाली असून याला पक्षीय पातळीवर पाठिंबा मिळाल्याने निवडणूक प्रतिष्ठेची झाली होती.

उस्मानाबाद जनता बँकेच्या १४ संचालकांच्या जागेसाठी शुक्रवारी (ता. १८) शांततेत मतदान झाले. कोणताही अनुचित प्रकार होऊ नये, यासाठी प्रत्येक १५४ केंद्रावर चोख पोलिस बंदोबस्त ठेवण्यात आला होता. सकाळी आठ वाजता मतदानाला सुरूवात झाली. पहिल्या सत्रात मतदानाचा वेग कमी होता. १० वाजताच्या सुमारास मतदानाचा वेग पुन्हा वाढला. एका मतदाराला मतदान करण्यासाठी किमान एक ते दोन मिनिटांचा वेळ लागत होता. तर अनेक मतदान केंद्रावर रांगाही पाहायला मिळाल्या. मतदारांनी मोठ्या हिरहिरीने मतदान केले. बँकेचे एकूण ६७ हजार ८२१ मतदार आहेत. या निवडणुकीसाठी ७० ते ८० टक्के मतदान होईल, असा अंदाज व्यक्त केला जात आहे. चार वाजेपर्यंत साधारण ६० टक्केपर्यंत मतदान झाल्याचे काही मतदान केंद्रावर दिसून येत होते.

२० वर्षानंतर मतदान

गेली अनेक वर्षे या बँकेवर ब्रिजलाल मोदानी आणि वसंतराव नागदे यांच्या (नागदे-मोदानी) गटाचे वर्चस्व आहे. त्यामुळे गेली २० वर्षे या बँकेची निवडणूक बिनविरोध झाली. दरम्यान यंदा मात्र बँकेच्या या निवडणुकीला पक्षीय रंग चढला. भाजपच्या गटाने पॅनल उभे केले. त्यामुळे सत्ताधारी गटालाही प्रत्येक मतदारापर्यंत पोहचावे लागले. त्यामुळे निवडणुकीची रणधुमाळी चांगलीच रंगली होती. आरोप-प्रत्यारोपाच्या फैरी झडत होत्या. दरम्यान शुक्रवारी पाच वाजता सर्वच उमेदवारांचे भवितव्य मतपेठीत बंद झाले आहे.

बँकेच्या चाव्या कोणाच्या ताब्यात

शहरातील छायादिप मंगल कार्यालयात शनिवारी (ता. २०) सकाळी मतमोजणी होणार आहे. ५० टेबलवर ही मतमोजणी होणार असून सायंकाळपर्यंत निकाल हाती येईल, अशी माहिती निवडणूक विभागाकडून देण्यात आली आहे. दरम्यान तब्बल २० वर्षानंतर रंगलेल्या या निवडणुकीत मतदार बँकेच्या चाव्या कोणाच्या ताब्यात देतात, याकडे सर्वांचे लक्ष लागले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Stock Market Closing: शेअर बाजार लाल रंगात; सेन्सेक्स-निफ्टी मोठ्या घसरणीसह बंद, कोणते शेअर्स वाढले?

Sanjay Shirsat: अंबादास दानवेंनी लावलेली आग अन् फडणवीसांनी केलेला गेम, संजय शिरसाट कसे फसले?

Beed Baby News: मृत घोषित केलेलं बाळ रात्रभर दुर्लक्षित; दुसऱ्या दिवशी बॅगमध्ये टाकून नेलं, कुदळ सापडेना म्हणून झाला उशीर अन्...

तेजश्री प्रधानच्या झी मराठीवर दिसण्यावर स्टार प्रवाहच्या सतीश राजवाडेंची थेट प्रतिक्रिया; म्हणाले, 'ती नायिका आधी...

IND vs ENG 3rd Test: जो रूटचे विक्रमी शतक! भारतासमोर मजबूत भिंतीसारखा राहिलाय उभा; राहुल द्रविड, स्टीव्ह स्मिथचा विक्रम मोडला

SCROLL FOR NEXT