परभणी : कोरोना संसर्गाच्या काळात संचारबंदी व जमावबंदी लागू असतांनाही विनाकारण फिरणाऱ्यावर परभणी पोलिसांकडून कारवाई केली जात आहे. आजपर्यंत तब्बल एक हजार ३१ वाहन जप्त करण्यात आली आहे. शुक्रवारी (ता.१७) ७६ वाहने जप्त करण्यात आली आहेत.

संचारबंदी, लॉकडाऊन काळात कोविड - १९ संसर्गाच्या प्रादुर्भाव रोखण्यासाठी नागरिकांना आपल्या तोंडाला रुमाल किंवा मास्कचा वापर करण्याच्या सुचना दिलेल्या आहेत. तसेच नागरिकांना अत्यावश्यक कामाशिवाय विनाकारण रस्त्यावर फिरण्यासाठी प्रतिबंध केलेला आहे. परंतू लोकांना अद्यापही या आजाराचे गांभीर्य समजलेले दिसत नाही. त्यामुळे पोलिसांना सातत्याने कारवाई करावी लागत आहे. ता. १७ एप्रिल रोजी दिवसभरात पोलिस ठाणे सोनपेठ, पाथरी व गंगाखेड हद्दीत एकूण २५ इसमावर गुन्हे दाखल केले आहेत. हे इसम पायी व त्यांच्या मोटार सायकलने स्वताच्या तोंडावार मास्क अथवा रुमाल न बांधता फिरत होता. त्यांच्यावर आपत्ती व्यवस्थापन कायद्यानुसार गुन्हे दाखल केले आहेत.

हेही वाचा व पहा - Video: चक्क बैलांना दोडक्याची वैरण !

७२ ठिकाणी बॅरिगेटस 
कोरोना संसर्ग होऊ नये म्हणून जमावबंदी आदेश लागू असून ता. १७ एप्रिल रोजी जमावबंदी आदेशाचे उल्लघंन करणाऱ्या १०२ आरोपी विरुध्द २३ गुन्हे दाखल केले आहेत. अद्याप पर्यंत जिल्ह्यात एकूण २३६ गुन्हे दाखल असून ६४४ आरोपीवर राष्ट्रीय आपत्ती व्यवस्थापन कायदा व भारतीय दंड संहितेनुसार कारवाई करण्यात आली आहे. ता. १७ एप्रिल रोजी विनाकारण फिरणाऱ्या वाहनाविरुध्द कारवाईत ७६ वाहने जप्त केली आहेत. तसेच विनाकारण फिरणाऱ्या दुचाकी, तिचाकी व चारचाकी वाहनधारकांवर कारवाई करून १ हजार ३१ ज्यात ९९५ दुचाकी व ३४ चारचाकी वाहने आहेत ते जप्त करण्यात आली आहेत. गल्ली बोळातून येणाऱ्या वाहनावर नियंत्रण राहण्यासाठी ७२ ठिकाणी बॅरिगेटस लावण्यात आले आहेत.

हेही वाचा - हुश्‍श...! परभणीतील ‘त्या’ नातेवाईकांचे अहवाल निगेटिव्ह
 

२६ रिलीफ कॅम्प सुरु
परभणी जिल्ह्यामध्ये आजपर्यंत २६ ठिकाणी रिलीफ कॅम्प चालू असून त्यामध्ये परप्रांतिय व राज्यातील स्थलांतरीत कामगार व गरजुंना ठेवलेले आहे. त्यात ४४५ पुरुष, ३०६ महिला २२२ मुले असे एकूण ९७४ स्थलांतरीचा समावेश आहे. त्यांना या रिलीफ कॅम्पमध्येच राहण्याची व जेवणाची सोय स्वंयसेवी संस्था मार्फत उपलब्ध करण्यात आली आहे.