नांदेड : एका समाजाबद्दल सोशल माध्यमावर अपशब्द वापरणाऱ्या तिघांना पोलिस उपाधीक्षक अभिजीत फस्के आणि शिवाजीनगर पोलिस ठाण्याचे पोलीस निरीक्षक चंद्रशेखर चौधरी यांनी ताब्यात घेतले आहे.

शहराच्या आंबेडकरनगर भागात राहणाऱ्या या युवकांनी एका समाजाबद्दल अपशब्द बोलून भावना दुखावल्या होत्या. तो व्हिडिओ एका सोशल माध्यमाच्या व्हाट्सऍप ग्रुपवर व्हायरल झाल्यानंतर पोलिस अधीक्षक संजय जाधव यांनी तातडीने लक्ष घालून शहर उपविभागाचे उपविभागीय पोलिस अधिकारी अभिजीत फस्के यांनी तपासाची चक्रे वेगाने फिरवत सोशल माध्यमावर व्हिडिओ तयार करून व्हायरल करणाऱ्यासह तिघांना ताब्यात घेतले आहे. त्यांच्यावर कायदेशीर कार्यवाही करण्यात येईल येईल असे फस्के यांनी सांगितले.