जालना ः कर्तव्य बजाविताना सहायक पोलिस निरीक्षक निशा बनसोड. दुसऱ्या छायाचित्रात चिमुकल्या अद्वैतासोबत, 
मराठवाडा

दीड वर्षाच्या चिमुकलीला घरी ठेवत ‘त्या’ कर्तव्यावर 

उमेश वाघमारे

जालना - कोरोनाविरोधाच्या लढाईत डॉक्टरांप्रमाणेच पोलिसही आपल्या कुटुंबाचा विचार न करता आपला जीव धोक्यात टाकून नागरिकांसाठी रस्त्यावर कर्तव्य बजावीत आहेत. यातीलच एक कदीम जालना पोलिस ठाण्याच्या सहायक पोलिस निरीक्षक निशा बनसोड. आपल्या दीड वर्षाच्या लहान मुलीला घरी ठेवून ‘त्या’ लॉकडाउनचा बंदोबस्त करीत आहेत. या मुलीचा संभाळ करण्यासाठी त्यांनी मावशीबाईंची मदत घेतली आहे. त्यामुळे कर्तव्यावर असताना दीड वर्षाची अद्वैता ही आपली आई घरी कधी येणार, याची वाट पाहत असते. 

कोरोना विषाणूचा प्रसार रोखण्यात देशात आणि राज्यात ता. २२ मार्चापासून लॉकडाउन लागू करण्यात आले. या लॉकडाउनमध्ये अत्यावश्यक सेवा वगळता इतर सर्व दुकाने, बाजारपेठा बंद आहेत; मात्र तरी देखील नागरिकांची रस्त्यावर सतत गर्दी असते. त्यामुळे पोलिसांना नागरिकांच्या सुरक्षेसाठी बारा-बारा तास रस्त्यावर उभे आहेत.

कदीम जालना पोलिस ठाण्याच्या सहायक पोलिस निरीक्षक निशा बनसोड यादेखील आपले कर्तव्य बजावीत आहेत; मात्र हे कर्तव्य बजावीत असताना त्यांना आपल्या दीड वर्षाची मुलगी अद्वैता हिच्या सुरक्षेसह तिचा संभाळ करण्यासाठी जबाबदार व्यक्तीची गरज होती. त्यात त्यांचे पतीही एका बियाणे उत्पादक कंपनीमध्ये नोकरी करीत असल्याने अत्यावश्यक सेवांत मोडत असल्याने त्यांना रोज कंपनीत जाणे बंधनकारक आहे.

दरम्यानच्या काळात अचानक लॉकडाउन लागू झाल्याने त्यांना आपल्या नतेवाइकांना घेऊन येणे शक्य झाले नाही. परिणामी निशा बनसोड यांनी मुलगी अद्वैता हिचा सांभाळ करण्यासाठी मावशीबाईंची मदत घेतली आहे. अद्वैताला मावशीबाईंच्या स्वाधीन करून त्या बारा-बारा तास कर्तव्य बजावीत आहेत. 

या सर्व धावपळीमुळे एक आई-मुलीच्या नात्याची ओढाताण होत आहे; मात्र, कोरोनाच्या लढ्यात सहायक पोलिस निरीक्षक निशा बनसोड या आपले कर्तव्य बजावीत आहेत. कर्तव्य बजावून घरी गेल्यानंतर मुलगी अद्वैता आईकडे झेपावते; मात्र पूर्णपणे सॅनिटाझरिंगसाठी एक तासाचा अवधी जातो. त्यानंतर त्या आपल्या चिमुकलीला जवळ घेतात. पोलिसांवरील तान कमी करण्यासाठी आता तरी नागरिकांनी विनाकारण घरा बाहेर पडू नये, हीच अपेक्षा. 
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Ajit Pawar: अजित पवारांची बनावट सही करणारा पोलिसांना सापडेना; तिघांना ताब्यात घेतलं, पण...

Marathwada News : कुष्णूर औद्योगिक वसाहतीत बिबट्याचा थरार; ट्रॅप कॅमेरे–पिंजरा लावून शोधमोहीम सुरू!

Latur News : खुनाचा प्रयत्न करणाऱ्या आरोपीस जन्मठेपेची शिक्षा; दोन लाखांचा दंड; उदगीर न्यायालयाचा कडक निर्णय!

Latest Marathi News Live Update: नीलेश राणेंसह पाच जणांवर गुन्हा

Gold Loan Surge : 'गोल्ड लोन'ने मोडले रेकॉर्ड; लोक मोठ्या प्रमाणावर सोने गहाण ठेवताहेत; कशामुळे वाढला ट्रेंड?

SCROLL FOR NEXT