बीड - ऊसतोड मजुराच्या अल्पवयीन मुलीवर अत्याचार केल्याची घटना तालुक्यात उघडकीस आली. या प्रकरणी पीडित मुलीच्या फिर्यादीवरून पिंपळनेर ठाण्यात बलात्कार व बाललैंगिक अत्याचार प्रतिबंधक कायद्यान्वये शनिवारी (ता. सात) रात्री गुन्हा दाखल करण्यात आला. ज्ञानेश्वर मोमीन असे संशयित आरोपीचे नाव आहे.
पिंपळनेर पोलिसांनी दिलेली माहिती अशी : तालुक्यातील एका गावात राहणाऱ्या 17 वर्षीय मुलीचे पालक महिन्यापूर्वी ऊसतोडीसाठी कर्नाटक राज्यात गेलेले आहेत. पीडित मुलगी, तिची बहीण व भाऊ असे तिघे गावात राहतात.
पाच डिसेंबरला तिचा भाऊ आजोळी गेल्यानंतर ती घरकाम आटोपून कापूस वेचणीसाठी शेतात निघाली. त्या वेळी ज्ञानेश्वर मोमीन हा तरुण त्याच्या घरासमोर उभा होता. त्याने पीडितेला चुलत्याच्या घरात ओढून नेत तेथे अत्याचार केला. यानंतर तिच्या पोटात दुखू लागले.
ज्ञानेश्वर मोमीन याने त्याचा मित्र शंकर मोरे यास बोलावून त्याच्यासह तिला वडवणीच्या डॉक्टरकडे नेले. तेथील डॉक्टरांनी उपचारास नकार दिल्यानंतर बीडला आणून तिच्यावर उपचार केले. नंतर तिला घरी सोडून त्याने पोबारा केला. सहा डिसेंबरला मुलीच्या भावाने विचारल्यानंतर तिने सर्व प्रकार सांगितला.
दरम्यान, पीडित मुलीच्या आई-वडिलांना या घटनेची माहिती मिळाल्यानंतर तेही तेथून परत आले. पीडितेच्या फिर्यादीवरून पिंपळनेर ठाण्यात गुन्हा दाखल करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.