माजलगाव (जि.बीड) : तुम्ही राजकारणात कोणता हेतू घेऊन आलात असा प्रश्न विचारताच मी व्यावसायिक क्षेत्रात चांगले काम करतो. पण भेदभावाचे राजकारण टाळुन विकासाचे राजकारण व समाजकारण करण्यासाठी राजकारणात आलो आहे. लोक काय म्हणतील याचा विचार न करता आजच्या युवा वर्गाने व्यवसायाकडे वळण्याची गरज असल्याचे कर्जत - जामखेड मतदारासंघाचे आमदार रोहित पवार यांनी सांगितले.
येथील सोळंके महाविद्यालयात आयोजित संवाद तुरूणाईशी या कार्यक्रमात शनिवारी (ता.१६) ते बोलत होते. अध्यक्षस्थांनी आमदार प्रकाश सोळंके होते. यावेळी जिल्हा परिषद सभापती जयसिंह सोळंके, अॅड. बी. आर. डक, प्राचार्य डॉ. व्ही. पी. पवार यांची व्यासपीठावर उपस्थिती होती. श्री.पवार म्हणाले की, ज्या युवकांचे प्रतिनिधीत्व करतो त्या युवांचा पेहराव आहे आणि तोच पेहराव पुढेही राहिल. पैसा कितीही मोठा असला तरी पैशापेक्षा मोठी गोष्ट लोकांचा पाठिंबा व लोकांचे सहकार्य आहे.
आपला देश संविधानावर चालतो. संविधानाविरोधात बोलणाऱ्या, वागणाऱ्यांना विरोध आहे. संविधानामुळे देश टिकुन आहे. राजकीय पोळी भाजण्यासाठी पोलिस प्रशासन व राज्याच्या विरोधात बोलणं खपवून घेतले जाणार नसल्याचे सांगत युवा वर्गाने व्यवसाय किंवा यशस्वी शेती करण्याचा सल्लाही त्यांनी तरुण-तरुणींना दिला. या संवाद कार्यक्रमात आमदार पवारांना अनेक युवक - युवतींनी राजकीय, शैक्षणिक प्रश्न विचारले. प्रास्ताविक आमदार प्रकाश सोळंके यांनी तर आभार जयसिंह सोळंके यांनी मानले.
संपादन - गणेश पिटेकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.