लातूर  : तुमच्या घरात लहान मुल असेल तर त्याला कोरोनाचा संसर्ग होऊ नये म्हणून यापुढे पालकांना विशेष खबरदारी घ्यावी लागेल. कारण शहरात आजवर चक्क चार बालकांना कोरोनाची लागण झाली आहे. त्यामुळे पालकांनी आपल्या मुलांबाबत अधिक दक्ष रहायला हवे. मुलांची रोगप्रतिकार शक्ती वाढेल, असे पदार्थ देण्याबरोबरच आजारी व्यक्तींपासून मुलांना दूर ठेवणे, व्यायाम-योगासने करण्याची सवय लावण्यापर्यंत काळजी घ्यायला हवी, असे आवाहन वैद्यकीय तज्ज्ञांनी केले आहे.

अरे बाप रे ! मोरांना विष अन् नीलगायी, रानडुकरांना देतात शॉक ! 

मागील तीन महिन्यांत विलासराव देशमुख शासकीय वैद्यकीय विज्ञान संस्थेतील बालरोग विभागाने श्वसन संस्थेचे गंभीर विकार असणाऱ्या शंभरहून अधिक बालकांचे यशस्वी उपचार केले आहेत. यातील कोरोनाची लक्षणे असलेल्या 19 संशयित बालकांची कोरोना तपासणी करण्यात आली. यामध्ये  एकूण 4 बालके कोरोना पॉझिटिव्ह असल्याचे निदर्शनास आले. यातील एक बालकाला उपचारानंतर घरी पाठविण्यात आले आहे. पण, सध्या त्याला होम क्वारंटाईनमध्ये ठेवण्यात आले आहे. उर्वरित तीन कोरोना पॉझिटिव्ह बालकांवर संस्थेतील रूग्णालयात उपचार सुरू आहेत.

सात जन्म काय..सात सेंकंद देखील नको बायको आम्हाला |

लसीकरण टाळू नका
कोरोना या आजारात प्रामुख्याने ज्येष्ठ नागरिकांची जास्त काळजी घ्यायची असली तरी बालगट हाही तितकाच महत्वाचा बनला आहे. कोरोनाची लागण लहान मुलांमध्ये दिसून येत आहे. कारण लहान मुलांची रोगप्रतिकार शक्ती कमी असते. कोरोनाची लक्षणे आणि लहान मुलांना होणाऱ्या निमोनिया, बालदमा,  ब्रोंकोलाइटिस अशा इतर आजारांची लक्षणे एकसारखी असतात. त्यामुळे नेहमी सतर्क रहायला हवे. गोवर, टीबी अशा प्रकारचे आजार होऊ नयेत म्हणून ठरवून दिलले लसीकरण (डोस) टाळू नका. कोरोना बरा होतो. पण इतर आजार जीवेघेणे आहेत. त्यामुळे लसीकरण टाळू नका, असे आवाहनही डॉ. मुंदडा यांनी केले.

सात दिवसांची तान्हुली ममस्पर्शाला मुकली..कोरोनाबाधित बाळंतणीचा घाटीत मृत्यू 

इकडे लक्ष द्या...

1. रोगप्रतिकार शक्ती वाढेल अशा पदार्थांचा अन्नात समावेश करा 
2. सर्दी, ताप असेल तर मुलांजवळ जाताना चेहऱ्याला मास्क बांधा
3. घरातील ज्येष्ठ नागरिक आजारी असतील तर मुलांची काळजी घ्या मुल घराबाहेर जात असेल तर मास्क बांधा. परत आल्यानंतर मास्क धुवा
4. मुलांना प्राणायम, सूर्यनमस्काराबरोबरच व्यायामाची सवय लावा

डॉक्टरांच्या सतर्कतेमुळे लातूरातील पहिला कोरोनाबाधित बाल रुग्ण वेळेत निदर्शनात आला. त्यामुळे संबंधीत भागात (हडको कॉलनी) कोरोनाचा प्रसार थांबविण्यात यश आले. आजवर तपासणीदरम्यान आढळून आलेल्या 19 संशयित बाल रूग्णांपैकी चार जणांना कोरोनाची लागण झाल्याचे स्पष्ट झाले. हे प्रमाण चिंताजनक आहे. त्यामुळे पालकांनी योग्य ती खबरदारी घेणे गरजेचे बनले आहे.’’ दरम्यान, विलासराव देशमुख शासकीय वैद्यकीय विज्ञान संस्थेतील बालरोग विभागातील डॉ. किरण भैसारे, डॉ. विकास सोळुंके, डॉ. शीतल भट्टड, डॉ. महेश पाटील, डॉ. असद पठाण यांच्यासह इतर सर्व निवासी डॉक्टर, परिचारिका, कक्ष सेवक यांच्या एकत्रित प्रयत्नांतून संस्थेत मुलांवर उपचार केले जात आहेत. 
डॉ. शिवप्रसाद मुंदडा, बालरोग  विभागप्रमुख