परंडा (उस्मानाबाद) : उस्मानाबाद जिल्ह्यातील परंडा शहरात  मंगळवारी (ता.२३) दुपारी चार वाजेच्या दरम्यान गूढ आवाज झाला. अचानक होणाऱ्या गुढ आवाजाची मालिका परंडा शहरात दुसऱ्या दिवशीही कायम असल्यामुळे भीतीदायक वातावरण निर्माण झाले आहे. 

अरे बाप रे ..! औरंगाबादेत इंग्रजी शाळांकडून पालकांना धमक्या.
सोमवारी  ता.२२ जुन रोजी सकाळी ११ वाजुन १० मिनिटाला असाच मोठा गूढ आवाज झाला. या आवाजाने घरावरील पञे, खिडक्यांची तावदाने हादरली होती. अशा प्रकारच्या गूढ आवाजाने भूकंप होतो की काय अशी चर्चा आता लोकांमध्ये सुरू झाली आहे. आधीच कोरोना त्यात पावसाची उघडझाप आणि अचानक सुरू झालेल्या गूढ आवाजामुळे नागरिक भयभीत झाले आहेत.

अजिंठ्यात खळबळ : दोनच दिवसांपूर्वी झाला साखरपुडा, आता...

हा आवाज नेमका कसा अन् का होतो याचे गुढ कायम आहे. भूवैज्ञानिकांनाही या गुढ आवाजाचा उलगडा अद्याप झाला नाही. जमिनी मधून सतत अधूनमधून धडकी भरणारे गुढ आवाज होत आहेत. प्रशासनाने या होणाऱ्या आवाजासाठी भुगर्भ वैज्ञानिंकामार्फत छडा लावावा अशी मागणी नागरीकातून होउ लागली आहे.

वृक्षलागवडीचा ‘रामपुरी पॅटर्न’ आता संपूर्ण जिल्ह्यात  

पाथरूड येथे दोन वेळा झाला आवाज 
पाथरूड गावालगत देखील मंगळवारी सकाळी ९.१७ मिनिटांनी आणि दुपारी चार वाजेच्या सुमारास गूढ आवाज झाला. त्यामुळे पाथरूड गावातील लोकांमध्ये भीतीचे वातावरण निर्माण झाले आहे.

उस्मानाबादेत गर्भवती महिलेला कोरोनाची लागण   

गूढ आवाज होण्याचे प्रमाण वाढले 
गेल्या काही वर्षांपासून परिसरातील ५० किलोमीटरपर्यंत गूढ आवाज होण्याचे प्रमाण वाढले आहे. याची तीव्रता दिवसेंदिवस वाढत आहे. आवाज नेमके कशाचे आहेत. याचा शोध लावण्यात जनतेतीतील भीती कमी करण्यात प्रशासनाला यश आले नाही. आकाश , गुगर्भ की भूपृष्ठावरील आवाज आहेत. हे ही अध्याप स्पष्ट झाले नाही. गूढ आवाजा बाबत अनेकांनी वेगवेगळी मते मांडली आहेत. अर्थात तशी चर्चा देखील सुरू झाली आहे. 

अजिंठ्यात खळबळ : दोनच दिवसांपूर्वी झाला साखरपुडा, आता...

बेसुमार पाणी उपसा
बेसुमार पाणी उपसा, पाचशे ते सहाशे फुटापर्यंत कूपनलिका खोदण्याचे प्रमाण वाढले आहे. अनेकदा अनेक कूपनलिका खोदताना केवळ कोरडा धुरळाच येतो. दुसरीकडे फेरभरणाची प्रक्रिया होत नाही. पाण्याचा साठा कमी झाल्याने पोकळी निर्माण झाली आहे. त्यामुळे गूढ आवाजाचे प्रकार वाढत असावेत. असाही अंदाज वर्तविला जात आहे.