Jalna Crime News
Jalna Crime News esakal
मराठवाडा

Jalna Crime | जालन्यात बंदुकीचे धाक दाखवून साडेसहा लाख पळवले

लक्ष्मीकांत कुलकर्णी

कुंभार पिंपळगाव (जि. जालना) : पेट्रोलपंपाची रक्कम बँकेत भरण्यास दुचाकीने जात असलेल्या कर्मचाऱ्यास चारचाकीमधून आलेल्या दोघांनी अडवले. नंतर बंदुकीचा धाक दाखवून त्याच्याकडील सहा लाख ५० हजार रुपये घेऊन पळ काढला. ही घटना बुधवारी (ता.११) दुपारी साडेबाराच्या सुमारास कुंभार पिंपळगाव-आष्टी रस्त्यावरील मूर्ती फाट्याजवळ घडली.
मूर्ती (ता. घनसावंगी) येथील हरिभाऊ सोळंके यांचा आष्टी-कुंभार पिंपळगाव रस्त्यावर मूर्ती फाट्याजवळ श्रीकृपा पेट्रोलपंप आहे. या पंपावर नयुम सय्यद हे कर्मचारी म्हणून काम करतात. बुधवारी दुपारी साडेबाराच्या सुमारास ते पेट्रोलपंपाची रक्कम घेऊन दुचाकीवरून बँकेकडे जात होते. (Six Lakh Looted In Ghansawangi Taluka Of Jalna)

यावेळी पांढऱ्या रंगाच्या चारचाकीमधून आलेल्या अनोळखी दोघांनी त्यांना अडवले. त्यांनी अर्धवट मास्क लावलेला होता. त्यापैकी एकाने चारचाकीतून उतरून नयुम यांना बंदुकीचा धाक दाखवत त्यांच्याकडील पैशाची पिशवी हिसकावून धूम ठोकली. या पिशवीत साडेसहा लाख रुपये होते. दरम्यान, प्रसंगावधान राखत नयुम यांनी दुचाकीवरून चोरांच्या चारचाकीचा पाठलाग करण्याचा प्रयत्न केला. (Jalna)

मात्र, ते हाती लागले नाहीत. घटनेची माहिती मिळताच पोलिस उपअधीक्षक सुनील पाटील, घनसावंगी पोलिस ठाण्याचे पोलिस निरीक्षक प्रशांत महाजन, उपनिरीक्षक संतोष मरळ यांनी घटनास्थळाला भेट देत परिसराची पाहणी केली. सायंकाळी अपर पोलिस अधीक्षक विक्रांत देशमुख यांनीही घटनास्थळाला भेट दिली.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Lok Sabha Election 2024 Phase 3 LIVE Updates : लोकसभा मतदानाचा तिसरा टप्पा; कित्येक दिग्गजांचं भवितव्य आज ईव्हीएममध्ये होणार कैद

आजचे पंचांग आणि दिनविशेष - 7 मे 2024

Loksabha Election 2024 : मतदानाचा आज तिसरा टप्पा; राज्यातील ११ मतदारसंघांमध्ये तयारी पूर्ण

Dr. Amol Kolhe : आढळराव पाटील शब्द पाळणार का?

IPL 2024 MI vs SRH: सूर्यकुमारचं तडाखेबंद शतक अन् मुंबईचा दणदणीत विजय; वानखेडेवर हैदराबादला दिला पराभवाचा धक्का

SCROLL FOR NEXT