हिंगोली ः जिल्ह्यात शाळा पूर्वनियोजनासाठी शिक्षक शाळा व्यवस्थापन समितीची सोमवारी (ता.२२) शाळेत बैठक घेऊन पहिल्या दिवसाची सुरवात जिल्हा परिषद व खासगी प्राथमिक व माध्यमिक शाळांमध्ये शिक्षणाधिकाऱ्यांनी सर्व शिक्षकांनी उपस्थित राहण्याचे व्हॉट्सॲपवर मॅसेज टाकून आदेश दिल्याने सर्व शिक्षक सकाळी साडेनऊ ते चारपर्यंत शाळेत उपस्थित होते.
दिवसभरामध्ये मुख्याध्यापकांनी शाळा पूर्वनियोजनासाठी शाळा व्यवस्थापन समितीचे अध्यक्ष, सदस्य, शिक्षक यांची बैठक घेतली. बैठकीत शासनाच्या (ता.१५) जूनच्या निर्णयाचे वाचन करून दोन आठवड्यांत शाळेच्या वेळेत कोणकोणते काम करायची, त्याची जबाबदारी कोणाकडे असेल हे मुख्याध्यापकांनी सर्वांना सांगितले. त्याप्रमाणे हिंगोली तालुक्यातील जिल्हा परिषद प्राथमिक शाळा वरुड गवळी येथे शाळा व्यवस्थापन समितीचे अध्यक्ष तथा केंद्रप्रमुख डॉ. तुकाराम कल्याणकर यांच्या अध्यक्षतेखाली बैठक घेण्यात आली.
शिक्षकांना विविध सूचना
या वेळी मुख्याध्यापक सुभाष बेंगाळ यांनी शासन निर्णयानुसार दोन आठवड्यांत शाळा पूर्वनियोजनामध्ये कोणकोणते कामे करायचे याचे नियोजन तयार करून शिक्षकांना कामाचे वाटप केले. या कालावधीत विद्यार्थ्यांना शाळेत न बोलावता विद्यार्थ्यांना पुस्तके वाटप करणे वर्गाचे वाटप करून वर्गवार विद्यार्थी व्हॉट्सॲप ग्रुप तयार करणे, दररोज त्यांना अभ्यास देणे, अशा सूचना देण्यात आल्या. या वेळी शाळेतील शिक्षक सुभाष जिरवणकर, शिवाजी देशमुख, संजय मुधोळ, फुलचंद महाजन, गोविंद चुनडे, साहेबराव दीपके, संगीता देशमुख, अंजली देशमुख, करुणा वाठोरे, रेखाबाई धुळे, अरुणाबाई वाव्हळ आदींची उपस्थिती होती.
हेही वाचा - सोयाबीनच उगवलेच नाही; मग सुरू झाला तक्रारींचा ओघ
शाळेची घंटी वाजलीच नाही
शेवाळा ः कळमनुरी तालुक्यातील शेवाळा येथे विद्यार्थ्यांविना शाळा प्रथमच सुरू झाली. आज शाळेची घंटी वाजलीच नाही. शाळेत मुख्याध्यापक, शिक्षकांनी हजेरी लावली. बाहेरगावी राहणाऱ्या शिक्षकांची उपस्थिती बऱ्यापैकी होती. शाळेतील विलगीकरण कक्षात रविवारी (ता. २१) रात्री उशिरापर्यंत पुणे येथून आलेले सात जणांना असल्याचे मुख्याध्यापक रमेश सूर्यवंशी यांनी सांगितले. या वेळी एस. के. जमजाळ, बी. एच. आडे, शिक्षक बी. एच. तेलावर, राजू व्यवहारे यांनी इयत्ता पहिली ते आठवीपर्यंतच्या विद्यार्थ्यांसाठी दीक्षा अँड्रॉइड ॲपवर आॅनलाइन अभ्यासक्रम सुरू केला असून विद्यार्थी मोठ्या प्रमाणात आॅनलाइन दीक्षा ॲपवर अभ्यास केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.