हिंगोली : जिल्ह्यात १५ ते १७ वर्षे वयोगटातील लाभार्थ्यांचे कोविड-१९ लसीकरणास सुरुवात झाली आहे. त्यानुसार एकूण ६५ हजार ६८ लाभार्थी असून त्यापैकी ३० हजार ६८८ एवढ्या लाभार्थ्यांना आजपर्यंत लसीकरणाचा पहिला डोस देण्यात आला आहे. जिल्ह्यात (Hingoli) कोविडचा कहर सुरू असतानाच १६ जानेवारी २०२१ रोजी देशात कोरोना लसीकरणाला सुरुवात झाली. यामध्ये आतापर्यंत १८ वर्षे वयोगट पुढील व्यक्तींनाच दिली जात होती. मात्र कोराेच्या ओमिक्राॅन (Omicron) या नवीन व्हेरिएंटचा प्रभाव बघता शासनाने १५ ते १७ वर्षे वयोगटाच्या लसीकरणाला (Corona Vaccination In Hingoli) परवानगी दिली आहे. त्यानुसार तीन जानेवारीपासून १५ ते १७ वर्षे वयोगटातील लाभार्थ्यांच्या लसीकरणाला सुरुवात झाली. (Thirty Thousand Children Take First Dose Of Corona Vaccination In Hingoli District)

विशेष म्हणजे कोरोनाची लस सर्वांना दिली जात असतानाच या वयोगटातील युवा वर्गात लसीकरणा घेऊन चांगलीच उत्सुकता होती व ती उत्सुकता आता दिसून येत आहे. यामुळेच जिल्ह्यात आतापर्यंत ३० हजार ६८८ लाभार्थ्यांना लसीचा पहिला डोस देण्यात आला असल्याचे जिल्हा आरोग्य अधिकारी डाॅ. शिवाजी पवार यांनी सांगितले.

जिल्ह्यात १५ ते १७ वर्षे वयोगटातील ६५ हजार ६८लाभार्थीचे उद्धीष्टे आहे. त्यात आतापर्यंत ३० हजार ६८८ लाभार्थ्यांना लसीकरण करण्यात आले. विशेष म्हणजे लसीकरणाला घेऊन या गटात चांगलीच उत्सुकता होती व त्यात आता उमेदवारांची प्रादुर्भाव बघता चांगलाच प्रतिसाद मिळत आहे.

- डॉ. सचिन भायेकर, जिल्हा लसीकरण अधिकारी