नांदेड : मर्जीतल्या अधिकाऱ्यांना हाताशी धरुन शिक्षण संस्थेला फेरमान्यता मिळवली. नव्याने पदनिर्माण करत शिक्षकांना बोगस मान्यता प्रकरणाने एकच खळबळ उडाली होती. शिक्षणाधिकारी (प्राथमिक) यांच्या फिर्यादीवरुन संस्थेच्या संचालक मंडळाविरूद्ध रामतिर्थ पोलिस ठाण्यात फसवणुकीचा गुन्हा दाखल करण्यात आला. दरम्यान, पोलिस तपास पथकाने संस्था सचिवास लातूर येथील शिक्षण उपसंचालक कार्यालयातून पोलिस अटक केली. शिक्षण संस्थेच्या चार शाळेतील ३२ शिक्षकांच्या मान्यता रद्द करण्यात आल्याने  शैक्षणीक नुकसान टाळण्यासाठी विद्यार्थ्यांचे इतर शाळेत समायोजन करण्याच्या उद्देशाने शिक्षण संचालक पुणे कार्यालयाकडून परिसरातील शाळांची माहिती मागविण्यात आली आहे. 

नांदेड जिल्ह्यातील बिलोली तालुक्यातील लोकशिक्षण प्रसारक मंडळाच्या प्राथमिक शाळा (बिजुर), सत्यसाईबाबा प्राथमिक शाळा (बिलोली), अशोक प्राथमिक शाळा (कुंडलवाडी), त्रिशाला प्राथमिक शाळा (दत्तनगर, नांदेड) या शाळांना पुर्नमान्यता मिळवून नव्याने पद निर्माण करण्यात आले. दरम्यान, पटपडताळणीद्वारे संस्थेची मान्यता रद्द झाल्यानंतर मर्जीतल्यांना हाताशी धरून लोकशिक्षण प्रसारक मंडळाच्या शाळांना संस्थेच्या संचालक मंडळाने फेरमान्यता मिळवली. जिल्हा प्रशासनासह शासनस्तरावर खोटा पत्रव्यवहाराचाही संचालक मंडळावर ठपका ठेवण्यात आला. पत्रव्यवहाराद्वारे सचिव विक्रम राचुरे यांनी प्रशासनाची दिशाभूल करत ३२ शिक्षकांच्या मान्यता मिळविल्या. 

हेही वाचा- स्कॉर्पिओ खरेदीसाठी म्हणाले ओएलएक्स करो, पैसे भरले आणि लक्षात आलं...

रामतिर्थ पोलिस ठाण्यात गुन्हा - 
संस्थेतील शिक्षकांच्या तक्रारीवरुन नेमण्यात आलेल्या चौकशी समितीच्या अहवालातून शिक्षकांच्या बोगस मान्यतेचे प्रकरण समोर आले. लोकशिक्षण संस्थेस पुर्नमान्यता मिळवून संस्थेच्या चारही शाळामध्ये बोगस पद निर्माण करत शिक्षकांना बोगस मान्यता प्रकरणी शिक्षणाधिकारी (प्राथमिक) प्रशांत दिग्रसकर यांच्या फिर्यादीवरुन रामतीर्थ पोलिस ठाण्यात संस्थेच्या संचालक मंडळाविरूद्ध फसवणुकीचा गुन्हा दाखल करण्यात आला. फरार आरोपीच्या अटकेसाठी बोगस मान्यता प्रकरणाचा तपास गुन्हे अन्वेषण विभागाकडे सोपवण्यात आला. संस्थेचे सचिव विक्रम राचुरे यांना तपासी अधिकाऱ्यांनी शिक्षण उपसंचालक कार्यालय लातूर येथून अटक केली. सचिव राचुरे यांची कारागृहात रवानगी करण्यात आली आहे. 

येथे क्लिक करा-  पहिली सोडली दुसरी केली, हातात पडली भलतीच बेडी

इतर शाळेत विद्यार्थ्यांचे समायोजन  
लोकशिक्षण संस्थेच्या शाळेतील एकूण ३२ शिक्षकांच्या वैयक्तिक मान्यता रद्द करण्यात आल्याने विद्यार्थ्यांचे शैक्षणिक नुकसान टाळण्यासाठी शिक्षण संचालक पुणे कार्यालयाकडून जिल्हा परिषद शिक्षण विभागाकडून माहिती मागविण्यात आली आहे. संस्थेच्या बिजूर प्राथमिक शाळा (बिजूर), सत्यसाईबाबा प्राथमिक शाळा (बिलोली), अशोक प्राथमिक शाळा (कुंडलवाडी), त्रिशाला देवी प्राथमिक शाळा (दत्तनगर, नांदेड) या शाळेच्या परिसरातील इतर शाळेत विद्यार्थ्यांचे समायोजन करण्यात येणार आहे. त्यासाठी शिणाधिकारी (प्राथमिक) प्रशांत दिग्रसकर यांनी विद्यार्थी पटसंख्येसह परिसरातील शाळांची माहिती शिक्षण संचालक कार्यालयास पाठवली आहे.