नांदेड : जिल्ह्यात अवकाळी पावसाने पुन्हा एकदा दणका दिला. सोमवारी (ता. ३०) रात्री नांदेड शहरासह ग्रामीण भागात पावसाने हजेरी लावली. सर्वाधिक पाऊस नांदेड तालुक्यातील लिंबगाव मंडळात ३५ मिलिमीटर झाला. तर माहूर मधील वानोळा मंडळात २० मिलिमीटर पावसाची नोंद झाली. सकाळी साडेआठ पर्यंत जिल्ह्यात एकूण ७१.१५ तर सरासरी ३.९१ मिलिमीटर पावसाची नोंद झाल्याची माहिती सूत्रांनी दिली.

हेही वाचलेच पाहिजे....कारखानदारांनो कामगारांना सांभाळा अन्यथा कारवाई- डॉ. विपिन

ठराविक कालावधीनंतर अवकाळी
जिल्ह्यात ठराविक कालावधीनंतर अवकाळी पावसासह वादळी वारे व गारपीट होत आहे. मागच्या पंधरवड्यात झालेल्या गारपिटीमुळे हदगाव तालुक्यातील दोन हजार आठशे हेक्‍टरवरील फळपिकांचे नुकसान झाले होते. यानंतर काही दिवसाच्या अतंराने पुन्हा अवकाळीचा कहर सुरू झाला. मागील दोन दिवसांपासून ढगाळ वातावरण असलेल्या जिल्ह्यात रविवारी (ता. ३१) रात्री दहाच्यानंतर वादळी वाऱ्यासह पावसाला सुरुवात झाली. हा पाऊस नांदेड शहरासह जिल्ह्यातील ग्रामीण भागात झाला. या पावसामुळे उभ्या पिकाचे तसेच फळपिकाचे नुकसान झाल्याचा अंदाज व्यक्त होत आहे. परंतु कृषी विभागाकडून शेतीपिकाचे नुकसान झाले नसल्याची माहिती मिळाली.

हेही वाचा.... परराज्यातील कामगारांना भोजनासह निवारा द्या

जिल्ह्यात मंडळनिहाय झालेला पाऊस 
(मिलीमीटरमध्ये) 
हदगाव पाच, तामसा सात, मनाठा सहा, निवघा दोन, आष्टी दहा, माहूर आठ, वानोळा २०, सिंदखेड आठ, लिंबगाव ३५, तरोडा, नांदेड ग्रामीण प्रत्येकी १२, वजीराबाद दहा,  वसरणी दहा, विष्णुपुरी सात, नांदेड शहर दहा, तुप्पा, किनवट १७, इस्लापूर सात, मांडवी १२, बोधडी १२, जलधारा आठ, मुदखेड १४, बारड १५, मुगट चार, कलंबर सहा, शेवडी सहा, सोनखेड नऊ, कापशी सात, उस्माननगर सहा, भोकर १६, किनी सहा मिलिमीटर पावसाची नोंद झाली.

तालुकानिहाय झालेला पाऊस
नांदेड १२.६३, मुदखेड अकरा, अर्धापूर ४.६७, भोकर ७.२५, कंधार एक, लोहा पाच, किनवट ८.२५, माहूर ९.७५, हदगाव ४.२८, हिमायतनगर ७, उमरी, देगलूर, धर्माबाद, नायगाव, मुखेड शुन्य. या प्रमाणे जिल्ह्यात एकूण ७१.१५ मिलिमीटर तर सरासरी ३.९१ मिलीमीटर पावसाची नोंद झाली.

पिकाचे नुकसान झाले नसल्याचा अहवाल 
सध्या गहू व हरभरा पिकांची काढणी झाली आहे. तसेच अवकाळी पावसादरम्यान हवा तसेच गारपीट झाली नाही, यामुळे फळपिके तसेच भाजीपाला पिकाचेही नुकसान झाले नसल्याचा अहवाल आला आहे.
- रविशंकर चलवदे, जिल्हा अधीक्षक कृषी अधिकारी, नांदेड