लातूर: शहरातील एमआयडीसी भागातील हडको कॉलनीत ६ वर्षाची चिमुकली कोरोनाबाधित आढळून आल्यानंतर तिच्या घरातील ४ व्यक्तींचे स्वॅब तपासणीसाठी घेण्यात आले होते. या चौघांचेही अहवाल रविवारी (ता. २४) पॉझिटिव्ह आले.

याबरोबरच उदगीरमधील ५ तर अहमदपूरमधील दोघांना कोरोनाची लागण झाल्याचे स्पष्ट झाले आहे. त्यामुळे लातूरमधील कोरोनाबधितांची एकूण संख्या ९४ झाली आहे. यापैकी ५५ जणांवर उपचार सुरू असून ३६ जणांना घरी सोडण्यात आले आहे तर तिघांचा उपचारदरम्यान मृत्यू झाला.

मराठवाड्याच्या इतर बातम्या वाचण्यासाठी - क्लिक करा

विलासराव देशमुख शासकीय वैद्यकीय विज्ञान संस्थेत आज एकुण १९७ व्यक्तींचे स्वॅब तपासणीसाठी आले होते. त्यापैकी संस्थेत आलेल्या ३४ व्यक्तीपैकी ३० व्यक्तींचे अहवाल निगेटीव्ह आले असून ४ व्यक्तीचे अहवाल पॉझिटिव्ह आले आहेत. हे चारही रुग्ण शनिवारी (ता. २३) पॉझिटिव्ह अहवाल आलेल्या मुलीच्या कुटुंबातील आहेत. हे सर्व एमआयडीसी हडको येथील असून त्यांना कुठल्याही प्रकारचलची लक्षणे नाहीत. त्यांची सद्यस्थितीत प्रकृती ठीक आहे.

उपजिल्हा रुग्णालय (उदगीर) येथून एकुण ५१ व्यक्तींचे स्वॅब तपासणीसाठी आले होते. त्यापैकी ४४ व्यक्तींचे अहवाल निगेटीव्ह आले असून ५ व्यक्तींचे अहवाल पॉझिटिव्ह आले आहेत. २ व्यक्तींचे अहवाल अंतिम आले नाहीत. अहमदपूर येथुन ११ व्यक्तींचे स्वॅब तपासीसाठी आले होते. त्यापैकी ६ व्यक्तीचे अहवाल निगेटीव्ह आले असून ०२ व्यक्तींचे अहवाल पॉझिटिव्ह आले आहेत. ३ व्यक्तींचे अहवाल अंतिम आले नाहीत, अशी माहिती अधिष्ठाता डॉ. गिरीष ठाकूर यांनी रविवारी दिली.

औरंगाबादच्या इतर बातम्या वाचण्यासाठी - क्लिक करा
        
निलंगा येथून ५ व्यक्तींचे स्वॅब तपासणीसाठी आले होते त्यापैकी सर्वच अहवाल निगेटीव्ह आले आहेत. कासारशिरसी येथील ५ व्यक्तींचे अहवाल तपासणीसाठी आले होते. त्यापैकी पाचही व्यक्तींचे अहवाल निगेटिव्ह आले आहेत. असे लातुर जिल्हयातील तपासणीसाठी आलेल्यापैकी ९३ व्यक्तींचे अहवाल निगेटीव्ह आले असून ११ व्यक्तींचे अहवाल पॉझिटिव्ह आले आहेत व ६ व्यक्तींचे अहवाल अंतिम आले नाहीत, असेही त्यांनी सांगितले.

असा आहे कोरोना मीटर
एकूण बाधित : ९४
उपचार सुरू असलेले : ५५
बरे झालेले : ३६
मृत्यू : ०३

महाराष्ट्रातील इतर बातम्या बाचण्यासाठी - क्लिक करा