आष्टी (जि.बीड) : कापूस वेचणीचे काम करणाऱ्या महिलेवर रानडुकराने हल्ला केल्याने ती गंभीररित्या जखमी झाली. तालुक्यातील हाजीपूर येथे गुरुवारी (ता. 25) दुपारी 12 वाजण्याच्या सुमारास ही घटना घडली. चंद्रभागा महादेव राख (वय 60 वर्षे) असे जखमी झालेल्या महिलेचे नाव आहे. याबाबत अधिक माहिती अशी, की हाजीपूर येथील चंद्रभागा राख या घरापासून जवळ हाकेच्या अंतरावर असलेल्या शेतात गुरुवारी सकाळपासून कापूस वेचणीचे काम करीत होत्या.

वाचा - आईवडिलांची परिस्थिती पाहवत नसल्याने वैशालीने उचले टोकाचे पाऊल, लग्नाचे स्वप्न राहिले अधूरे

या वेळी पाठीमागून आलेल्या रानडुकराने त्यांच्यावर अचानक हल्ला केले. मांडीचा चावा घेत अक्षरशः लचका तोडल्याने त्या गंभीररित्या जखमी झाल्या. उपचारार्थ त्यांना सुरवातीला आष्टीतील ग्रामीण रुग्णालयात दाखल करण्यात आले. मात्र, जखमा गंभीर असल्याने शहरातीलच एका खासगी दवाखान्यात त्यांना हलविण्यात आले आहे.

वाचा - संजना जाधव देणार माजी आमदार हर्षवर्धन जाधवांना टक्कर? सरपंच, उपसरपंचांच्या सत्काराला लावली हजेरी

रानडुकरांचा वाढता उपद्रव
तालुक्यातील ब्रह्मगाव, कासेवाडी, हाजीपूर , करंजी आदी भागात सध्या रानडुकरांचा उपद्रव वाढला असून हल्ल्यांच्या घटनाही वाढत आहेत. वनविभागाने रानडुकरांचा तातडीने बंदोबस्त करावा, अशी मागणी जोर धरत आहे.

संपादन - गणेश पिटेकर