बीड : परळी मतदारसंघातील महायुतीच्या उमेदवार आणि ग्रामविकास मंत्री पंकजा मुंडे यांच्याबद्दल भाषणावेळी अपशब्द वापरल्याच्या निषेधार्थ रविवारी (ता. 20) बीड जिल्ह्यांत विविध ठिकाणी महिलांचे मूक मोर्चे निघाले. आष्टी, शिरूर, परळीत महिलांनी एकत्र येत काळ्या फिती लावून निषेध केला.
विडा (ता.केज) येथील एका सभेत भाषणावेळी धनंजय मुंडे यांनी पंकजा मुंडे यांच्याबद्दल आक्षेपार्ह टिपण्णी केल्याचा व्हिडिओ सोशल मीडियावर व्हायरल झाला आहे. यावरून विधान परिषदेचे विरोधी पक्षनेते आणि राष्ट्रवादीचे उमेदवार धनंजय मुंडे यांच्या विरोधात शनिवारी रात्री उशिरा गुन्हा दाखल झाला. या वक्तव्याच्या निषेधार्थ आष्टीत भाजप आमदार सुरेश धस यांनी भव्य मोर्चा काढला. तसेच परळीतही मोर्चा काढण्यात आला होता.
तत्पूर्वी, पंकजा आणि माझ्यामध्ये अनेकवेळा शब्दयुद्ध रंगले होते. माझ्यावरही अगदी खालच्या पातळीवर जाऊन टीका करण्यात आली. आम्ही विचारांमुळे वेगवेगळ्या पक्षांमध्ये आहोत. मी नाते मानणारा माणूस आहे. मात्र आमच्या बहीण-भावाच्या नात्यात काहीजण विष कालवण्याचं काम करीत आहेत.
जर मला पंकजा एकदा बोलल्या असत्या तर मी मतदारसंघ सोडला असता. एवढ्या खालच्या पातळीवर जाऊन राजकारण होणार असेल, तर मला राजकारण करण्याची इच्छा नाही, असे मत धनंजय मुंडे यांनी व्यक्त केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.