मुंबई: मुंबईत कोरोनाच्या संख्येत दिवसेंदिवस वाढ होत आहे. त्यामुळेच कोरोनाग्रस्तांचा आकडा तब्बल २१ हजारांवर गेला आहे. त्यामुळे मुंबई महापालिकेसमोर रुग्णसंख्या कमी करण्याचं मोठं आव्हान आहे. मात्र असं असताना देखील मुंबईत एक धक्कादायक प्रकार घडलाय. 

मुंबईत तब्बल १०० हून अधिक कोरोना पॉझिटिव्ह रुग्ण अचानक गायब झाल्यामुळे मोठं संकट उभं  ठाकलं आहे. त्यात हे सर्व रुग्ण पॉझिटिव्ह असल्यामुळॆ त्यांच्यामुळे इतरांनाही कोरोनाच्या संसर्गाचा धोका आहे. इतक्या मोठ्या मुंबईत या अचानक बेपत्ता झालेल्या कोरोना रुग्णांना शोधून काढणं हे काही सोपं काम नाहीये. त्यामुळे सामान्य मुंबईकरांच्या जीवाला धोका निर्माण झाला आहे.  

अरे वाह! ऑस्ट्रेलियासारखं पिंक लेक आता मुंबईतही; कुठे ते जाणून घ्या.. 

कोरोना व्हायरसची चाचणी करण्यासाठी येणारा सस्पेक्टेड रुग्ण फोन नंबर, पत्ता अशा गोष्टी भरताना अनेक चुका करतात तर काही जण यात खोटी माहिती भरतात किंवा टेस्टिंग लॅबमध्ये कर्मचाऱ्यांकडून ही माहिती भरताना चूका होतात. त्यामुळे एखादा रुग्ण पॉझिटिव्ह असल्याचे आढळल्यास त्याचा शोध घेणे कठीण होते, अशी माहिती अतिरिक्त आयुक्त सुरेश काकाणी यांनी दिली. 

मुंबईमधून १०० हून अधिक कोरोना पॉझिटिव्ह रुग्ण गायब झाले आहेत. त्यांनी चुकीची माहिती दिल्यामुळे त्यांना शोधणं कठीण झालं  आहे. अशा लोकांना ट्रॅक करण्याचे अन्यही मार्ग आहेत. बांद्र्याच्या एका कंपनीनं कर्मचाऱ्यांची कोरोना चाचणी केली होती. मात्र पत्ता देताना बांद्रा पूर्व असा उल्लेख केला होता. मात्र ही कंपनी पश्चिमेची होती. अशा बेपत्ता लोकांची नावं पाठवून मुंबई महापालिकेनं आधार कार्डचे डिटेल्स मागविले आहेत असंही सुरेश काकाणी यांनी म्हंटलंय.   

धक्कादायक ! तरुणाच्या मृतदेहाऐवजी पालकांना दिला तरुणीचा मृतदेह; गायब झालेल्या मृतदेहाचं गूढ अखेर उकललं..

विक्रोळीच्या एन वॉर्डमध्ये कोरोनाचे १२ रुग्ण बेपत्ता झाले आहेत. अधिकारी त्यांना शोधण्याचा प्रयत्न करत आहेत. खासगी लॅबमधले सीसीटीव्ही फुटेजही तपासले जात आहेत. अंधेरी पूर्वमध्ये तर २७ जण बेपत्ता झाले आहेत तर  धारावीमध्ये तर २९ जण बेपत्ता झाले आहेत. मात्र यापैकी काही जणांना शोधण्यात यश आलंय अशी माहिती सहायक आयुक्त प्रशांत सपकाळ यांनी दिली आहे. 

100 plus corona positive patients missing in mumbai read full story