अलिबाग : तालुक्यातील सुडकोली तसेच भुवनेश्वर-नारंगी येथे मुंबईतून आलेल्या दोघांना कोरोनाची लागण झाली असल्याची माहिती तालुका आरोग्य अधिकारी डॉ. अभिजीत घासे यांनी दिली. या रुग्णांमुळे आतापर्यंत तालुक्यात आढळलेल्या संसर्गित रुग्णांची संख्या 10 वर जाऊन पोहचली आहे.
महत्वाची बातमी : कोरोना झाल्यास पोलिसांवर तातडीने उपचार होणार, महाराष्ट्र कुटूंब आरोग्य योजनेत कोव्हिडचा समावेश
दोन दिवसांपूर्वी या रुग्णांचे स्वॅब घेण्यात आले होते. शनिवारी (ता. 23) सायंकाळी आलेले रिपोर्ट पॉझिटीव्ह आल्याने प्रशासनाची धावपळ उडाली आहे. मुंबईतील खार येथून अलिबाग तालुक्यातील सुडकोली तसेच भुवनेश्वर-नारंगी येथे आलेल्या काहींना त्रास जाणवू लागल्याने त्यांना अलिबाग जिल्हा सरकारी रुग्णालयात दाखल करण्यात आले होते. त्यांचे स्वॅब घेऊन ते मुंबईत तपासणीसाठी पाठविण्यात आले होते.
रिपोर्ट पॉझिटीव्ह आलेल्या दोन्हीही महिला आहेत. त्यांना अलिबाग येथील जिल्हा सरकारी रुग्णालयात दाखल करण्यात आल्याची माहिती डॉ. अभिजीत घासे यांनी दिली.
2 more people from Mumbai to Alibag are corona positive
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.