मुंबई: संरक्षण व सुरक्षा विभागात कार्यरत 53 वर्षीय पोलिसाचा कोरोनामुळे मृत्यू झाला आहे. त्यामुळे कोरोनामुळे मृत झालेल्या राज्यातील पोलिसांचा आकडा 49 वर पोहोचला आहे, तर मुंबईतही 33 पोलिसांचा कोरोनामुळे मृत्यू झाला आहे. राज्यात आतापर्यंत चार हजारांहून अधिक पोलिसांना कोरोना बाधीत झाले आहेत.

मृत 53 वर्षीय पोलिस मुंबई पोलिस दलाच्या संरक्षण व सुरक्षा विभागात कार्यरत होते. ते गिरगाव येथील रहिवासी होते. 17 जूनला त्यांना कोरोना झाल्याचे अहवालातून स्पष्ट झाले होते.  ते दक्षिण मुंबईतील जे.जे. रुग्णालयात उपचार घेत होते.नुकतीच त्यांना उपचारासाठी सेंट जॉर्ज रुग्णालयात उपचारासाठी दाखल करण्यात आले होते. 

हेही वाचा: उच्चभ्रू वस्तीत कोरोना; मलबार हिल परिसरातील अख्खीच्या अख्खी इमारत सील

प्रकृती खालावल्यामुळे त्यांना वेंटीलेटरवर ठेवण्यात आले होते. रविवारी रात्री त्यांचा मृत्यू झाला. त्यांच्या पश्चात पत्नी, दोन मुलगे व मुलगी असा परिवार आहे.

आतापर्यंत राज्यातील 4048 पोलिसांना कोरोनाची लागण झाली आहे. हायरिस्क कंटेनमेंट झोनमध्ये तैनात पोलिसांचे प्रमाण त्यात अधिक आहे. त्यात मुंबई, ठाणे, पुणे, नाशिक, नागपूर, मालेगाव व राज्य राखीव पोलिस दलाच्या जवानांची संख्या अधिक आहे. 

हेही वाचा: बापरे! मुंबईतील तब्बल 'इतक्या' पोलिस वसाहतींमध्ये शिरला कोरोना; रेल्वे पोलिस वसाहतही विळख्यात..

राज्य राखीव पोलिस दलातीलही 741 कोरोनाबाधीत पोलिसांपैकी बहुसंख्य शहरी भागात तैनात होते. त्यातील 648 जणांनी कोरोनावर मात केली आहे. सध्या राज्यात एक हजार पोलिस कोरोनावर उपचार घेत आहेत

53 years police is no more due to corona